Барилгын бүх төрлийг мэдээллийг нэг дор цогцлоосон “Барилга.МН” сэтгүүл болон www.barilga.mn сайтын хамт олноос идэвхитэн бичигчидтэй хамтран ажиллах зорилгоор шилдэг идэвхитэн бичигчийг шалгаруулахаар боллоо. Таны нийтлэлийн зорилго манай сэтгүүл болон сайтын зорилго чигт нийцтэй бол бидэнтэй хамтран ажиллахыг санал болгож байна. Бид таны оюуны хөдөлмөрийг үнэлж олны хүртээл болгохыг сацуу урамшуулал олгох болно.

 

Зорилго: Барилгын салбарын мэдээллийг олон нийтэд хүргэх, иргэдийг салбарын үнэн бодит мэдээллээр хангах, заавар зөвлөгөө өгөхөд оршино.

 

Агуулга : Барилгын салбарын өнөөгийн байдал, шинээр гарч буй бодлого шийдвэр, дэлхийн нийтэд шинэ тутамд гарч буй барилгын техник технологи болон амины орон сууц барих аргачилал, заавар зөвлөгөө зэргийг энгийн уншигч олон нийтэд хүргэх, түгээн дэлгэрүүлэх зорилтыг дэвшүүлсэн байна.

 

Үе шат : Шилдэг идэвхитэн бичигч шалгаруулах уралдаан 3 үе шаттайгаар явагдана.

 

Эхний шатны материалыг 2010-08-10-аас 2010-10-10-ны хооронд  setguul@barilga.mn хаягаар ирүүлнэ. Эхний шатанд ирсэн материалуудыг www.barilga.mn сайт дээр нийтэлнэ.

 

Хоёрдугаар шат: Хоёрдугаар шатанд тэнцсэн материалыг “Барилга.МН” сэтгүүлийн 9-с 11-р сарын дугааруудуудад нийтлэнэ.

 

Гуравдугаар шат:  Хоёрдугаар шатнаас шалгарсан оролцогчид нэг сэдвийн хүрээнд шилдэг нийтлэлээ ирүүлнэ. Шилдгээр шалгарсан нийтлэлчийг 2010-12-30-нд тодруулж олон нийтэд зарлана.

 

Шаардлага :  

-       Сэтгүүл зүйн бичлэгийн аль ч төрлөөр бичиж болно.

-       Сэдвийн хүрээнд өөрийн үзэл бодлоо баримт нотолгоон дээр тулгуурлан чөлөөтэй, цэгцтэй илэрхийлсэн байна.

-       Үндсэн бичлэг нь компьютерийн Arial фондоор 12-ын хэмжээтэйгээр мөр хоорондын зай 1.5-аар бичигдсэн, 3-4 хуудас байна.

-       Сэтгүүлд нийтлэгдсэн материалд бичлэгийн урамшуулал бодогдох тул оролцогчид  өөрийн овог нэр, холбоо барих утас, хаяг, цахим хаягаа нүүр хуудсан дээр тодорхой бичсэн байна.