Нарийн мэргэжилийн боловсон хүчин бэлтгэн гаргадаг мэргэжил сургалт үйлдвэрлэлийн төвүүдийн нэгдсэн зөвлөл болох Мэргэжилийн Боловсрол Суургалтын Үндэсний Зөвөлөлийн V хуралдаан энэ сарын 6-ны өдөр болж өнгөрлөө. Энэ удаагийн зөвлөөгөөнөөр зөвлөлийн эхний хагас жилийн тайлан, ирэх оны төсвийн төсөл, орон нутгийн зөвлөлийн үлгэрчилсэн дүрмийн төсөл, мэргэжилийн боловсрол сургалтын байгууллагад оюутан элсүүлэх журамын тухай гээд олон асуудлыг хэлэлцлээ.

 

Мэргэжилийн Боловсрол Сургалтын Үндэсний Зөвлөл нь одоогоор уул уурхай, эрчим хүч, барилга замын салбар, хүнсний үйлдвэрлэл ба боловсруулалт гэсэн салбар зөвлөлүүдтэйгээр үйл ажиллагаа явуулж байгаа бөгөөд цаашид ХАА, тээвэр зуучлал, зочид буудал, аялал жуулчлал, металл үйлдвэрлэл гэх мэт салбар зөвлөлүүдийг байгуулахаар төлөвлөн ажиллаж байна.

 

Манай улсад барилга, хүнс хөдөө аж ахуй, хөнгөн үйлдвэр гээд нилээд олон чиглэлээр 21 аймагт нарийн мэргэжилтэн бэлтгэн гаргадаг. Гэвч тэдгээр боловсон хүчинд ажлын байр хангалтгүй бус. Зөвхөн барилгын салбарын ажил олгогчид гэхэд дотоодоос ажиллах хүч авахаасаа илүүтэйгээр гадны ажилчидыг авч ажиллуулдаг зуршилтай.

 

Улсын хэмжээнд ЗТБХБЯаманд бүртгэлтэй 1539 аж ахуйн нэгжид 27 мянган ажилчин шаардлагатай гэсэн тооцоо байдаг аж. Гэвч энэ салбарт одоогоор 30 мянган үнэмлэхгүй ажилчин ажиллаж байна. Ингэхээр энэ салбарт нарийн мэрэгжилийн чадварлаг боловсон хүчин бэлтгэн гаргах нь нэн тэргүүний шаардлага болоод байгаа юм.

 

Харин боловсролын байгууллагын талаас сурагцагчиддаа ажлын хариуцлага, дур сонирхолтой болгох болон ур чадварыг сайтар эзэмшүүлэх хэрэгтэй байгаа юм. Суралцагчидын ажлын байрны дадлага, ур чадвар, сахилга бат муугаас үүдэн ажил олгогчид хамтарч ажиллах сонирхолгүй байдаг аж. Нөгөө талаар ажил олгогч барилгын компаниуд нь улирлын чанартай үйл ажиллагаа явуулдагтай холбоотойгоор үндсэн ажилчин авдаггүй байна.

 

Тиймээс чанартай боловсон хүчин бэлтгэх, ажил олгогчид захиалгаар бэлтгэх зэрэг төр хувийн хэвшлийн байгууллагуудын хамтын ажиллагааг сайжруулж ажиллахын тулд элсэлтийг зөв зохион байгуулах, бүх насны иргэдийг хамруулах, ажил олгогчид болон захиалагчид сургалтын чанар, дадлагын явцтай танилцдаг байх хэрэгтэй юм.