Эрэл группийн захирал Э.Жаргалан: Бид бага, дунд орлоготой иргэдэд зориулж хямд өртөгтэй, чанартай орон сууцны хороолол барина
Barilga
2019-11-05
Компанийнхаа танилцуулахгүй юу?
"Эрэл" ХХК 1989 онд байгуулагдсан, манай улсын анхны хувийн компаниудын нэг. Өнгөрсөн жил бид 20 жилийнхээ ойг тэмдэглэсэн. Манай компэни 1994 оноос барилгын салбарт үйл ажиллагаа явуулж эхэлсэн. Эдүгээ бид цемент, тоосго, блок, бетон зуурмаг, төмөр хийц, элсэн бетон эдлэл, хаалга, цонх, модон эдлэл үйлдвэрлэж байна. Ер нь барилгад өөрийн үйлдвэрийн материалыг ашиглах нь барилгыг хурдан шуурхай, өндөр чанартай барьж хүлээлгэн өгөхөд нөлөөлдөг гэж би боддог
Сүүлийн үед барилгын компаниуд олширч байна. "Эрэл" компани бусад энэ чиглэлийн үйл ажиллагаа явуулдаг компаниудаас юугаараа онцлог вэ?
Манай компани барилгын салбарын ууган үйлдвэрүүд болох Дарханы цементийн үйлдвэр, Тоосгоны үйлдвэр, Байшин үйлдвэрлэх 2-р комбинат зэргийг хувьчлан авсан. Зах зээлийн хүнд үед барилгын олон үйлдвэр хаалгаа барьж байсныг хүмүүс мэднэ. Тэгэхэд манай үйлдвэрүүд ажлын байрыг нэмэгдүүлж, тоног төхөөрөмж, технологийн шинэчлэлийг орчин үеийн түвшинд хийж, чанартай бүтээгдэхүүн гаргаж байсныг хэлэх хэрэгтэй байх. Жишээ нь, манай Цементийн үйлдвэр жил бүр үйлдвэрлэлээ нэмэгдүүлж, чанарт анхаарч ирснээр 2009 онд олон улсын стандартын ISO9001-2000 чанарын гэрчилгээ авсан. Нөгөө талаар манай компани шохойн чулуу, гөлтгөнө, шар шавар гэх мэт түүхий эд материалаа өөрсдөө олборлон ашигладагаараа давуу талтай. Бид барилгын материалын олон үйлдвэрийнхээ энэхүү давуу талыг ашиглан хоёроос дээш үйлдвэрийн бүтээгдэхүүн авсан тохиолдолд "Багцын хямдрал үзүүлэх" цоо шинэ үйлчилгээг нэвтрүүлж эхлээд байна Энэ бол манай компаниас хэрэглэгчдэдээ барьж байгаа нэг том бэлэг юм.
Бага болон дунд орлоготой иргэд ихэвчлэн гэр хороололд амьдарч байна. Энд дэд бүтэц алга. Айл болгон жорлон ухдаг, угаадсаа хөрс рүү асгадаг, нүүрс түлж их хэмжээний хортой бодисыг агаарт хаядаг. Үүнээс болж Улаанбаатар хотын агаар болон хөрс асар их хэмжээгээр бохирдож байна. Иймд манай компани дунд болон багаорлоготой иргэдэд зориулж өөрийн үйлдвэрийн барилгын материалыг ашиглан хямд өртөгтэй, чанартай нэг өрөөорон сууцны хороолол барихаар төлөвлөж байна. Тэрчлэн орон сууц авахад нь зориулж "Эрэл"'' банкнаас урт хугацаатай, хүү багатай зээлд хамруулах зэрэг цогц бодлого хэрэгжүүлэх юм.
Танай барилгын үнэ өртгийг сонирхож болох уу?
Дэлгэрэнгүйг Барилга.мн-ийн дугаар 1- ээс уншаарай