Бизнес эрхлэгчдийн үйл ажиллагааг дэмжих, нийтлэг ашиг сонирхолыг хамгаалах, хөрөнгө оруулалт, үйлдвэрлэл, худалдааг хөхүүлэн урамшуулах, бизнес эрхлэх таатай орчинг бүрдүүлэх чиглэлээр ажилладаг олон нийтийн байгууллага тоогоор илэрхийлбэл нилээд бий. Эдгээр олон байгууллагаас МҮХАҮТанхим зорилго, үйл ажиллагаа, ажиллаж буй арга барил, үр дүн, давуу эерэг талаараа бусдаас онцгойлон ялгардаг юм. Гишүүд, удирдлага, нийт хамт олны хамтын ажиллагаа, оролцоо, хичээл зүтгэл, санаачлагч, бүтээлч чадвар нь бусдад үлгэр жишээ, бахархал болсоор МҮХАҮТанхим “Эрхэмсэг оршихуйн 50 жи딬ийг үджээ.

 

МҮХАҮТанхимын энэ хугацаанд бүтээж туурвисан ололт амжилтуудыг энд дурьдвал олон арван боть бүтээл болох нь дамжиггүй. МҮХАҮТанхимын дэргэдэх зөвлөлүүд өөр өөрсдийн чиглэлээр бодит үр дүнд хүрэхүйц олон үйл ажиллагаа явуулдгийг төр засгийн байгууллагууд, олон түмэнд хүргэх, сурталчилах, гэгээрүүлэх, идэвхижүүлэх зэргээр байнга дэмжин ажиллаж байдагт гүн талархалтай ханддаг билээ. Барилгын салбарынхан МҮХАҮТанхимын санаачлан Монгол Улсын Засгийн газраас зарласан “Бизнесийн орчны шинэтгэлийн жил”-ийн хүрээнд авч хэрэгжүүлэх арга хэмжээнд, “Хүрэн эдийн засгаас ногоон эдийн засагт” шилжих Ногоон бизесийн хөгжилд өөрсдийн хувь нэмрээ оруулах идэвхитэй, нягт уялдсан үйл ажиллагаагаараа МҮХАҮТанхимынхаа ойн баярт хувь нэмрээ оруулах болно. Бахархал дүүрэн “Эрхэмсэг оршихуйн 50 жил”-ийн ойн баярын мэндийг эрхэм Танд болон МҮХАҮТанхимынхаа хамт олон, гишүүдэд хүргэе.

 

МҮХАҮТ-ын дэргэдэх Барилгын зөвлөлийн дарга, Н Эй Би Группын Ерөнхий захирал Б. АМАРСАНАА

 

Барилгын Зөвлөл нь 2007 оны 12 дугаар сарын 4-нд байгуулагдсан.

 

Зөвлөл нь бизнес эрхлэх эрх зүйн орчныг боловсронгуй болгох, барилгын салбарыг хөгжүүлэх чиглэлээр бизнес эрхлэгчдэд туслалцаа үзүүлэх, МҮХАҮТ-ын үйл ажиллагааг дэмжих чиг үүрэг бүхий орон тооны бус байгууллага мөн.

Зөвлөл нь дараах чиглэлээр үйл ажиллагаа явуулна. Үүнд:

• барилгын чиглэлээр үйл ажиллагаа явуулдаг байгууллага, бизнесийн холбоод, төрийн бус байгууллага, бизнесийн хэвшлийнхний санал солилцох, хамтран ажиллах нөхцлийг бүрдүүлэх,

•  барилгын салбарыг дэмжин хөгжүүлэх, улс орны эдийн засаг, нийгмийн амьдралд эзэлж байгаа байр, суурь, хөгжлийн өнөөгийн байдал, тулгамдсан асуудлын талаар гишүүд харилцан санал солилцож, шаардлагатай бол цаашид авч хэрэгжүүлэх арга хэмжээний талаар дүгнэлт гаргах,

• барилгын салбарын хөгжлийн талаар боловсруулж байгаа төрийн бодлого, үндсэн чиглэл, хөтөлбөрийн төсөлтэй танилцаж, хувийн хэвшлийнхний саналыг тэдгээрт тусгах талаар зөвлөмж гаргах,

• барилгын салбарын хөгжлийн эрх зүйн таатай орчин бүрдүүлэх, барилгын үйлдвэрлэл, үйлчилгээ, барилгын материалын үйлдвэрлэл, шинэ техник технологийг эрчимтэй нэвтрүүлэхэд санал, зөвлөмж гаргах,

•   барилгын салбарын хөгжлийн талаар тус зөвлөлөөс гаргаж буй санал, дүгнэлт, зөвлөмжийг Засгийн газар болон хувийн хэвшлийн хамтарсан зөвлөлдөх хороонд оруулах

•   барилгын салбарыг дэмжин хөгжүүлэх замаар дотооддоо бүтээгдэхүүн үйлдвэрлэх, борлуулалтыг бодлогоор дэмжих, барилгын материал экспортлох, импортын барилгын материалын чанар, хэрэглээнд хяналт тавих талаар төр, засгаас оновчтой шийдвэр гаргахад тодорхой түлхэц үзүүлэх,  Барилгын зөвлөлийн тэргүүлэгч 20 гишүүнтэйгээр ажиллаж байна.

 

 МҮХАҮТанхимын дэргэ