Улаанбаатар хот -Мэргэжлийн боловсрол, сургалтын асуудлаарх Үндэсний зөвлөлийн дэргэдэх (МБСҮЗ) Барилга, замын салбар зөвлөлийн семинар 2010 оны 6 дугаар сарын 22-нд зохион байгуулагдлаа. Тус арга хэмжээг Монголын мянганы сорилтын сангийн (ММСС)Мэргэжлийн боловсрол, сургалтын (МБС) төсөл, түүний хүрээнд хэрэгжиж буй “Бодлого, үйл ажиллагааны хүрээний шинэчлэл” дэд төсөл, Барилга, замын салбар зөвлөл хамтран зохион байгуулав.

Энэхүү семинарын гол зорилго нь Монгол улсын Их хурлаас 2009 онд баталсан Мэргэжлийн боловсрол, сургалтын тухай хуулийн дагуу бүрэлдэн тогтсон мэргэжлийн боловсрол, сургалтын тогтолцооны шинэчлэл, түүнд манлайлан оролцох Мэргэжлийн боловсрол, сургалтын үндэсний зөвлөл, Мэргэжлийн боловсрол сургалтын газар, Үндэсний Зөвлөлийн дэргэдэх салбар зөвлөлийн үйл ажиллагаа, чиг үүргийг салбарын ажил олгогчидод танилцуулахад чиглэсэн. Семинарын үеэрМБС-ын тухай хуульд заасны дагуу мэргэжилтэй ажилтан бэлтгэх үйл ажиллагаанд ажил олгогчид бүхий л үйл

ажиллагаанд тэргүүлэн оролцох бөгөөд нэн ялангуяаМБС-ын санхүүжилтэд ажил олгогчдын оролцоо, хувь нэмэр өндөр болох талаар хэлэлцлээ. Семинарт барилга, замын салбарт ур чадвартай ажиллах хүчний өнөөгийн эрэлт хэрэгцээ, тэдгээр ажилчдыг бэлтгэх сургалтыг санхүүжүүлэх тогтолцоо, энэ чиглэлээр Зам тээвэр, барилга, хот байгуулалтын яамнаас баримталж буй бодлого, хэрэгжүүлж буй арга хэмжээ мөнТөр, хувийн хэвшлийн түншлэл ба эрэлтэлд тулгуурласан мэргэжлийн боловсрол, сургалтын тогтолцооны талаар илтгэл тавьж оролцогчдын дунд хэлэлцүүлэг явуулсан юм.

Тус арга хэмжээнд МБСҮЗ болон салбар зөвлөл, холбогдох төрийн байгууллагууд, барилга, замын салбарын МБС-ын байгууллагууд, энэ салбарт ажиллаж буй компаниуд, мөн хандивлагч байгууллага болон ТББ-ын төлөөлөл бүхий 70 гаруй хүн оролцлоо. Семинарын үр дүнд ойрын ирээдүйд тус салбарт нэн шаардлагатай байгаа ур чадвартай боловсон хүчин хэрхэн бэлтгэх талаар холбогдох байгууллагууд харилцан ойлголцолд хүрлээ.

МБСҮЗ нь зах зээлийн эрэлтэд тулгуурласан, төр ба хувийн хэвшлийн түншлэлийг дэмжсэн МБС-ын тогтолцоог хөгжүүлэх үйл явцыг мэргэжлийн удирдлагаар хангах зорилгоор байгуулагдсан юм. Одоогийн байдлаар МБСҮЗ¬ийн салбар зөвлөлүүд хүнс, барилга, уул уурхайн чиглэлэээр төр, хувийн хэвшлийн тэнцүү төлөөлөлтэйгээр тус тус байгуулагдаад байна.

Харин МБСҮЗ-ийн барилга, замын салбар зөвлөлийн гол үүрэг нь барилга, замын чиглэлээр мэргэжлийн ажилчин бэлтгэж буй сургалтын байгууллага болон ажил олгогчдын үр бүтээлтэй хамтын ажиллагааг хангах, уялдаа холбоог бэхжүүлэх, мэргэжлийн зэрэг дэв, сургалтын хөтөлбөрийн агуулга, стандартын талаар санал зөвлөмж гаргахын зэрэгцээ мэргэжлийн ур чадварын түвшин түүнийг үнэлэх шалгуур үзүүлэлтүүдийг боловсронгуй болгох тал дээр зөвлөгөө өгөх, бодлогын зөвлөмж гаргахад чиглэж байгаа юм.