Хайбрид машиныг байгаль орчноо хамгаалах үүднээс унадаг байсан бол та одоо ХАЙБРИД гэрэлтүүлгээр байшингаа гэрэлтүүлж болох нь ээ. АНУ-ын Оук Риджийн үндэсний лабораторид /ORNL/ хайбрид гэрэлтүүлгийн шинэ технологийг бүтээжээ.
Нар шууд тусахгүй байгаа үед нарны гэрлийг янз бүрийн цацралттайгаар тусгай систем хоолойгоор дамжуулан байшинг бүхэлд нь гэрэлтүүлдэг байна. Гэхдээ бүрхэг өдөр буюу шөнө болоход гэрэлтүүлгийн тохируулгыг флоресценцийн хоолой буюу “хайбрид”/“эрлийз”/ болох хэсэгт нь тааруулснаар гэрэлтүүлэх чадварыг нь өсгөдөг ажээ. Уг систем нь бүр эрчим хүч үүсгэх зорилгоор гэрлийг хураан нөөцөлдөг байна.

Энэ шинэ технологи маш ухаалаг болж чадсан:
ORNL-н ажилтан Жефф Мусын сэдсэн концепциор нарны янз бүрийн туяа бүхий гэрлийг дотор гэрэлтүүлэг болон эрчим хүч гарган түгээх гэсэн 2 төрлийн хэрэглээнд салган авч үзэж байгаа юм. Энэхүү концепци 2 зүйл дээр онцлог давуу талтай байгаа болно: Нэгд, спектрийн нүдэнд үзэгдэх хэсгийн тод гэрэлтэх чадвар /ватт тутамд ноогдох люменээр илэрхийлэгдсэн, энергийн нэгж тутамд ногдох гэрэлтэлт/ нь ердийн цахилгаан чийдэнгийнхээс 2 дахин өндөр. Хоёрт, фотовольтийн үүр нь, ялангуяа термо-фотовольтийн үүрнүүд нь спектрийн улаан туяаны хэсгийг цахилгаан эрчим хүч болгон хувиргах үр нөлөө маш сайтай.
Тус систем нь нарнаас ирэх гэрлийн үзэгдэх болон хэт улаан туяаны хэсгийг хуримтлуулан, тусгаарлахын тулд майхан хэлбэрийн налуу цэнэг хураагуурыг ашиглана. Нарны үзэгдэх хэсгийн туяа нь бүдүүн голчтой шилэн кабелиар дамжин хайбрид холбоост очно /хайбрид холбоос нь нарны гэрлийг шууд дамжуулахын тулд хийгдсэн, цахилгаан чийдэн болоод шилэн кабельтай холбогдсон гэрлийн тохируулга юм/. Нарны гэрлээс хүлээн авах цэнэг дүүрэхэд холбоос дахь шилэн утас нь гэрэлтүүлэх шаардлагатай тухайн хэсэг орчныг бүхэлд нь буюу дийлэнхи хэсгийг нь гэрэлтүүлж өгнө. Бас ердийн цахилгаан чийдэн шиг дулаан ихээр ялгаруулахгүй. Бүдэг гэрэлтүүлэгтэй буюу нар байхгүй үед мэдрэгч бүхий цахилгаан чийдэн асаж, тохиромжтой гэрэлтүүлгийг бий болгоно. Тусгайлан хийсэн загваруудаас авч үзвэл, нарнаас ирэх бүхий л энергийг энэхүү шинэ хайбрид аргын тусламжтайгаар ердийнхөөс хоёр, бүр гурав дахин илүү хэмжээгээр ашиглаж болох нь нотлогдож байгаа аж.
ORNL нь Калифорни мужийн Сакраменто хотын нийтийн ахуйн үйлчилгээний газрын удирдах төв байранд HSL/Hybrid Solar Lighting/-н системийг суурилуулж өгчээ. Мөн Хавайн Кауай дахь Уол-Март дэлгүүрт HSL-ийг өдрийн гэрэлтүүлэгт ашиглавал эрчим хүчний хэмнэлт болоод борлуулалт нь ямар байхыг судлахаар төлөвлөсөн байна.
Энд хамгийн гол зүйл нь гэрлийг өөр өөр хэрэглээнд ашиглаж болох үзэгдэх спектр болон хэт улаан туяаны хэсэгт хуваасанд оршиж байгаа юм. Ердийн гэрэлтүүлэг, бүр флоресценцийн гэрэлтүүлэг хүртэл ихээхэн хэмжээний дулаан ялгаруулахад түүнийг нь буцаан агааржуулагч /air conditioner/ ашиглан сэлгэх хэрэгтэй болдог. Нарнаас ирэх улаан туяаны хэсгийг зүгээр л ашиглахгүй орхиж болох ч түүнийг эрчим хүч болгон хэрэглэж болох учраас энэхүү гэрэлтүүлгийн технологи нь үр ашгийн хувьд ярих юмгүй байгаа юм. Харамсалтай нь уг технологийг нэвтрүүлбэл хэр хугацааны дараа зардлаа нөхөн үр ашгаа гаргах нь тодорхой бус байгаа болно. Хэрвээ хайбрид гэрэлтүүлгийн системийн өртөгийг тодорхой түвшинд хүргэж чадвал нарны гэрэл хангалттай үл тусах дурын газарт барилга байгууламжуудыг барихад ихээхэн түлхэц өгөх аж.