Блэксмитийн хүрээлэнгийнхэн(Blacksmith Institute) дэлхийд хамгийн ихээр бохирдсон газруудын жагсаалтыг саяхан гаргажээ. Дэлхийн хамгийн их бохирдсон 35 газрын 8 нь манай хойд хөршид байгаа бөгөөд үүний нэгээр нь Өмнөд Урал тодорчээ. Манай гарагийн хамгийн бохир 10 газрын гурав нь ОХУ-д байгаа бөгөөд үүнд: Норильск /хоёрт орсон байх бөгөөд никель олборлодог газар юм/, Нижегород мужийн Дзержинск /наймд орсон/, Приморьегийн Рудная Пристань /аравт орсон/ суурин багтсан байна. Харин нэгдүгээр байрыг Украйны Чернобыль “эзэлсэн” байна. Мөн жагсаалтанд умард хөршийн Магнитогорск, Волгоград, Комийн бүгд найрамдах улс, Колийн хойг, болон Карачай нуур оржээ.
Хамгийн их бохирдсон газартай улсын 2-т Энэтхэг улс зургаан бохир хоттойгоор, 3-р байрыг Хятад болон АНУ хоёр бохир хоттойгоор хуваан эзлэжээ. Түүнээс гадна, энэхүү жагсаалтанд Киргизийн Майли-Сай, Зимбабве улсын Кабве хот, Доминикан улсын Хайна, Перугийн Ла-Оройа хэмээх газрууд орсон байна. Дэлхийд хамгийн ихээр бохирдсон газрыг шалгаруулахдаа хүн ам нь тэрхүү газартай хир ойр амьдарч байгааг үндсэн шалгууруудын нэг болгожээ.