-Нийслэлийн иргэдийн төлөөлөгчдийн хурлын тэргүүлэгчдийн хуралдаанаас -

Нийслэлийн газрын алба Оргил рашааны ундаргын хамгаалалтын бүс тогтоох тухай танилцуулгыг өчигдөрийн хуралдаанд танилцууллаа.

Анх 1983 оны Улаанбаатар хотын АИХ-ын депутатуудын хурлын 031 тоот тогтоолоор тус рашаанд ариун цэврийн болон хяналтын бүс тогтоосон байдаг юм байна. Ингэхдээ ариун цэврийн бүсийг 100 метрээр хориглолтын бүсийг 200 метр, харин хязгаарлалтын бүсийг мэргэжлийн байгуулагын үндэслэлийг харгалзан тогтооно гэжээ. Гэтэл өнөөдрийн дүр зургаар бол Оргил рашааны эргэн тойронд өндөр байшин сүндэрлэж хяналтын бүсэд газар эзэмших зөвшөөрөл авсан долоон аж ахуйн нэгж байна.

Эдгээр зөвшөөрлийг рашааны тухай хууль гарахаас өмнө буюу 2002 оноос өмнө тухайн үед хотын даргын алба хашиж байсан хүмүүс олгожээ. Гэхдээ нийслэлийн хүн  ам төдийгүй Монгол улсын хүн амд нэн хэрэгтэй ховор эрдэс бүхий рашааныг хамгаалж байхын тулд Нийслэлийн Засаг даргаар гаргасан захирамжуудыг хүчингүй болгох тухай танилцууллаа.
 
Энэ асуудлыг Газрын албаныхан гүйцэд оруулж ирүүлээгүй тул дахин сайтар асуудлуудыг тусгаж  танилцуулахыг хотын дарга үүрэг болголоо. Өөрөөр хэлбэл нэгэнтээ баригдсан байгаа барилгуудыг хэрхэх вэ, хамгаалалт хориглолт хязгаарлалтын бүсүүдээ нэг бүрчлэн тогтоохыг даалгалаа.