Бетонон байгууламжийг уснаас тусгаарлах /гидро изоляция/ 6 төрлийн материал юм.
Үүнд: Пенетрон, Пенекрит, Пенетрон-Адмикс, Пенеплаг, Гидрохит нэвтрэлт, Гидрохит гэсэн материалуудыг ОХУ-аас импортоор оруулж байна. Дээрх тусгаарлах материал нь бетонон байгууламжийн биед 90см хүртэл нэвтэрч ордогоороо бусад бүх тусгаарлах материалуудаас онцгой давуу талтай юм. Пенетрон гэдэг нь олон давхаргат бетонон болон төмөр бетонон хийцийг уснаас тусгаарлахад зориулсан материалын ерөнхий нэр юм. Материалууд нь идэвхитэй химийн нэмэлт, кварц элс, тусгай цементээр боловсруулсан хуурай хольцыг өөртөө агуулдаг. Материал тус бүр нь нарийн боловсруулагдсан өөрийн гэсэн онцлогтой бөгөөд материалуудыг цогцоор нь хэрэглэх шаардлагтай. Пенетрон системийн материал үйлдвэрлэгч “Penetron International Ltd” компани нь анх АНУ-д үүсгэн байгуулагдсан бөгөөд ус тусгаарлагч, хамгаалалт болон нөхөн сэргээхэд зориулагдсан материалууд үйлдвэрлэдэг дэлхийн тэргүүлэх зэргийн компани юм. Тус компани ISO 9001 чанарын удирлагын тогтолцоог нэвтрүүлсэн бөгөөд шаардлагатай бүхий л гэрчилгээ авсан байна. Пенетрон системийн материалуудыг дэлхийн 63 оронд үйлдвэр, орон сууц болон тусгай барилга байгууламжинд ашиглаад 50 гаран жил болж байна. ОХУ-д 1989 оноос барилгын салбар нэвтрүүлж эхэлсэн бөгөөд Екатеринбург хотод 2 дахь үйлдвэр үйл ажиллагаагаа явуулж байна.

Пенетрон системийн нэвтрэх үйлчилгээтэй ус тусгаарлагчийн онцлогууд

Пенетрон системийн материалуудын химийн идэвхитэй бүрэлдэхүүнүүд нь бетоны гүнд нэвтэрч урвалд орон 0.4мм хүртэл өргөнтэй жижиг ан цавыг үл уусах кристаллуудаар бөглөдөг. Материалуудыг хэрэглэснээр бетонон болон төмөр бетонон хийцүүдийн ус үл нэвтрүүлэх түвшингийн зэрэг 4-н шатаас багагүйгээр өсдөг. Материалуудыг хэрэглэснээр ус тусгаарлагчийг маш удаан хугацааны туршид ашиглаж болно, өөрөөр хэлвэл тухайн байгууламж оршин тогтнох хугацаанд ус тусгаарлалтанд санаа зовох зүйлгүй. усны даралтын чиглэлээс үл хамааран дотно болон гадна талыг WO /агаарын даралт/ ангиллын бетонууд дээр материалаар боловсруулахад нэн ашигтай. материалыг зөвхөн чийгтэй гадаргуу эсвэл шинэ бетонон дээр хэрэглэнэ: гадаргууг урьдчилан хатаах хэрэггүй; материалын технологийн хэрэглэснээр гадаргууг удаан хугацааны турш нарийн бэлдэх шаардлагагүй. гидростатик даралтын нөлөөллийн үед материалыг хэрэглэнэ. материалыг ашиглахад хялбар бөгөөд ердөө л хэрэглэх явдцаа ашиглах зааврыг нарийн мөрдөх хэрэгтэй. ус тусгаарлах бусад аргуудтай харьцуулвал илүү хэмнэлттэй үр ашигтай боловсруулагдсан бетон нь уур нэвтрэх чанараа хадгалдаг. боловсруулагдсан бетон нь химийн бодисын идэгдэлд тэсвэртэй чанартай байдаг. материалыг хэрэглэснээр бетоны хүйтэнд тэсвэрлэх ба бат бэх байдлын үзүүлэлт сайжирдаг. материалыг баригдаж байгаа болон ашиглагдаж байгаа байгууламжинд хэрэглэнэ. материалыг хэрэглэснээр төмөр бетон дахь арматурын зэврэлтээс урьдчилан сэргийлж чадна. материалууд нь ямар нэг хоргүй. материал нь шатамхай бус материалууд нь тэсэрч дэлбэрэх аюулгүй материалуудын хадгалалтын хугацаа урт /үйлдвэрлэсэн өдрөөс эхлэн 18 сар/ материалуудыг ундны ус нөөцлөх газарт хэрэглэж болохыг зөвшөөрсөн Оросын улсын эрүүл ахуй, халдваргүйжүүлэлтийн хяналтын албанаас гэрчилгээтэй материалаар боловсруулагдсан бетонууд нь өөрөө өөрийгөө засварлах чадвартай. радиацийн нөлөөлөл хүчтэй үед ч боловсруулагдсан бетонууд нь ус тусгаарлах бат бэх байдлын чанараа алддаггүй.

 Пенетрон системийн материалууд

1. Пенетрон

        Тодорхойлолт: хуурай хольц , тусгай цемент, тодорхой гранулометрийн кварц элс, патентлагдсан идэвхитэй химийн нэмэлтээс тогтоно.

          Зориулалт: хавсармал, олон давхаргат бетонон ба төмөр бетонон хийцийн гадаргууны ус тусгаарлалт, тэр дундаа цемент элсэн уусмалаар шавардсан гадаргууны ус тусгаарлалтанд хэрэглэнэ. “пенетрон”-ыг “пенекрит”-ын хамт хэрэглэнэ. Пенетроныг пенекритын хамт ан цав, заадас, хагарал, холболт орох хэсгийн ус тусгаарлалтанд туслах материал болгон ашиглах ба Пенеплаг болон Ватерплагтай хавсруулан дусаал ус шүүрэхээс хамгаалан хэрэглэнэ.

         Онцлог: Пенетрон материалыг хэрэглэснээр бетоноор ус нэвтрэхээс хамгаалах ба түүнчлэн хүчтэй даралтын ус орж ирсэн ч гэсэн ус шүүрэлтээс хамгаалах боломжтой болно. Энэхүү материалыг хэрэглэснээр хүчил, урсгал ус болон хөрсний ус, далай тэнгисийн усны нөлөөллөөс бетоныг хамгаалах боломжтой. Пенетроноор боловсруулагдсан бетон карбонат, сульфат, нитрат болон бусад бодисд тэсвэртэй байдаг. Пенетроныг хэрэглэснээр бетоны ус үл нэвтрэх чанар, бат бэх байдал, хүйтэнд тэсвэртэй байдлын үзүүлэлт нь сайжирдаг ба хүчтэй радиац нөлөөлөлд ч дээрх үзүүлэлтүүд нь хэвээр хадгалагддаг байна. Жич: 0.4 мм хүртэлх өргөнтэй ан цав, залгаас бүхий гадаргууны ус тусгаарлалтад тус материалыг хэрэглэнэ. 0.4мм-ээс дээш өргөнтэй ан цав залгаас бүхий гадаргуун ус тусгаарлалтанд Пенекритыг Пенетронтой хамт хэрэглэнэ.

 2. Пенекрит

         Тодорхойлолт: хуурай хольц , тусгай цемент, тодорхой гранулометрийн кварц элс, патентлагдсан идэвхитэй химийн нэмэлтээс бүрдэнэ.

          Зориулалт: цул бетон, ачаалалттай бетон, олон давхаргат бетонон хийцүүдийн ан цав, цууралт, залгаас, холболт орох оролтын /кабель болон трубаны оролт / ус тусгаарлалтанд зориулагдсан.

         Онцлог: Маш бат бэх чанараар, суулт байдаггүйгээрээ ялгардаг бөгөөд бетон, металл, тоосго, байгалийн чулуунд сайн зохицно. Жич: материалыг зөвхөн Пенетронтой хамт хэрэглэнэ.

3. Пенеплаг

       Тодорхойлолт: хуурай хольц , тусгай цемент, тодорхой гранулометрийн кварц элс, патентлагдсан идэвхитэй химийн нэмэлтээс бүрдэнэ.

        Зориулалт: бетон, тоосго, байгалийн чулуугаар барьсан хийцүүдэд даралтат ус гоожилтоос сэргийлнэ. Бусад найрлагууд /Пенетрон Пенекрит/усаар угаагдаж арилсан тохиолдолд энэхүү материалыг хэрэглэнэ. 

        Онцлог: маш богино хугацаанд барьцалдах чадвартай. Материалыг усан доор хэрэглэж болно. Жич: Материалыг зөвхөн Пенекрит ба Пенетронтой хамт хэрэглэнэ.

4. Ватерплаг

       Тодорхойлолт: хуурай хольц , тусгай цемент, тодорхой гранулометрийн кварц элс, патентлагдсан идэвхитэй химийн нэмэлтээс бүрдэнэ.

       Зориулалт: бетон, тоосго, байгалийн чулуугаар барьсан хийцүүдэд ус дусахаас сэргийлнэ. Бусад найрлагууд /Пенетрон Пенекрит/усаар угаагдаж арилсан тохиолдолд энэхүү материалыг хэрэглэнэ. Жич: Материалыг зөвхөн Пенекрит ба Пенетронтой хамт хэрэглэнэ

5. Пенетрон Плюс

       Тодорхойлолт: хуурай хольц , тусгай цемент, тодорхой гранулометрийн кварц элс, патентлагдсан идэвхитэй химийн нэмэлтээс бүрдэнэ.

        Зориулалт: шинээр тавьсан бетоны хэвтээ гадаргууны ус тусгаарлалтанд зориулагдсан.

        Онцлог: Пенетрон Плюс материалыг хэрэглэснээр усны өндөр даралтын үед ч бетоноор ус нэвтэрэхгүй байх боломжтой. Энэхүү материалыг хэрэглэснээр хүчил, урсгал болон хөрсний ус, далайн ус зэрэг хортой нөлөөллөөс хамгаалж чадна. Пенетрон Плюс материалаар боловсруулсан хэвтээ бетонон гадаргуунууд нь карбонат, хлорид, сульфат, нитрат болон бусад бодисд тэсвэртэй байдаг . Пенетрон Плюс материалыг хэрэглэснээр бетоны ус үл нэвтрэх чанар, бат бэх байдал , хүйтэнд тэсвэртэй байдлын үзүүлэлт сайжирдаг ба радиац нөлөлөөл хүчтэй байсан ч гэсэн дээрх үзүүлэлтүүд хэвээр хадгалагдана. Жич: хэвтээ гадаргуунд шинээр тавьсан бетоны 0.4мм хүртэл өргөнтэй ан цав, заадасны ус тусгаарлалтанд хэрэглэнэ. 0.4мм-ээс дээш өргөнтэй ан цав бүхий гадаргуу ба холболтын оролтын ус тусгаарлалтанд Пенекритыг Пенетронтой хамт хэрэглэнэ.

6. Пенетрон Адмикс

       Тодорхойлолт: тусгай цемент, патентлагдсан идэвхитэй химийн нэмэлтээс бүрдэнэ

      Зориулалт : олон давхаргат бетонон ба төмөр бетонон хийцүүдийн ус тусгаарлалтыг хийх зорилгоор бетондох үед нь зуурмагт хольж хэрэглэнэ.

       Онцлог: Материалыг бетонон зуурмаг бэлдэх үед нэмж холино. Пенетрон Адмикс материалыг хэрэглэснээр Усны хүчтэй даралтын үед ч бетоны их биеэр ус нэвтрэхээс урьдчилан сэргийлж чадна. Энэхүү материалыг хэрэглэснээр хүчил, урсгал болон хөрсний ус, далайн ус зэрэг хортой нөлөөллөөс хамгаалж чадна. Пенетрон Адмикс нэмэлт материал бүхий бетон нь карбонат, хлорид, сульфат, нитрат болон бусад бодисд тэсвэртэй байдаг . Пенетрон Адмикс материалыг хэрэглэснээр бетоны ус үл нэвтрэх чанар, бат бэх байдал , хүйтэнд тэсвэртэй байдлын үзүүлэлт сайжирдаг ба радиац нөлөөлөл хүчтэй байсан ч гэсэн дээрх үзүүлэлтүүд хэвээр хадгалагдана. Жич: бусад нэмэлтүүдтэй нийлүүлсэн Пенетрон Адмиксыг ихэвчлэн бетондох үед хэрэглэдэг /хүйтэнд тэсвэртэй гэх мэт /. Материалыг 0.4мм хүртэл өргөнтэй ан цав, заадас бүхий цул, олон давхаргат болон нийлмэл бетонон ба төмөр бетонон хийцүүдэд ус нэвтрүүлэхгүй байхын тулд хэрэглэнэ. 0.4мм-ээс дээш өргөнтэй ан цав бүхий гадаргуу ба холболтын оролтын ус тусгаарлалтанд Пенекритыг Пенетронтой хамт хэрэглэнэ.

Пенетрон системын материалуудын үйлчлэх зарчим

     Бетоноор ус нэвтэрдэг шалтгаан Стандарт технологоор боловсруулагдсан бетон нь маш жижиг ан цав цуудас, хялгасан судас бүхий бүтэцтэй байдаг. Бетоны бие дээр байх салаалсан хялгасан судас, маш жижиг ан цав, заадас нь дараах хүчин зүйлээс шалтгаалдаг : бетоныг хатуурах үед ус ууршсан, бетоныг давхарлах үед түүнийг хангалттай нягтруулагүй, хатуурах үед бетоны суултаас үүссэн дотоод хүч, хольцуудыг буруу сонгосон болон бусад шалтгаанаас үүсдэг байна. Бетонон хийцийн бүтцийн завсраар ус шүүрэхээс сэргийлэхийн тулд бетоныг Пенетрон системийн материалаар боловсруулахад хангалттай. Пенетрон материалуудыг хэрэглэснээр жижиг ан цав, сийрмэг хэсэг, цуудасд уусдаггүй кристаллууд өсч хэдэн арван сантиметрийн гүнд нэвтрэн нягтруулдаг. Пенетрон материалууд нь бетоны ус үл нэвтрүүлэх үзүүлэлтийг 4-6 шат ахиулна. Жишээ нь Пенетрон материалаар боловсруулахаас өмнө бетоны ус үл нэвтрүүлэх үзүүлэлт W2 /агаарын даралт/ байсан бол Пенетроныг хэрэглэснээр W10-аас доошгүй түвшинд очно.

    Пенетрон материалын үйлчлэх зарчим Пенетрон материалын үйлчлэх зарчим нь осмос, броуновскийн хөдөлгөөн, хатуу фаз дахь реакц ба шингэний гадаргуун тэлэлтийн хүч гэсэн 4 гол зарчим дээр тулгуурладаг. Пенетроны химийн идэвхитэй бүрэлдэхүүнүүд нь бетоныг барьцалдуулагч бүрэлдэхүүнүүдтэй харилцан үйлчилдэг. Пенетрон хуурай хольцыг устай хольж, бий болсон уусмалыг бетоны чийгтэй гадаргуун дээр багсаар түрхэнэ. Ингэснээр Пенетроноор боловсруулсан гадаргуун дээр химийн өндөр потеницал үүсэх ба энэ үед бетоны дотоод бүтэц химийн бага потенциалаа хадгалсан хэвээр байна. Осмос потенциалуудын ялгааг тэгшитгэхийг оролддог бөгөөд осмотик даралт үүсгэнэ. Осмотик даралт үүссэнээр материалын химийн идэвхитэй бүрэлдэхүүнүүд бетоны гүнд нэвтэрнэ. Бетоны бүтцийн чийгшил хэдий чинээ их байна химийн идэвхитэй бүрэлдэхүүнүүд бетоны гүнд нэвтрэх явц төдийн чинээ үр дүнтэй байна. Энэхүү процесс нь усны сөрөг болон эерэг даралтын үед ч явагдах ба гадаргун дээр болон бетоны дотор химийн потенциалууд тэнцэх хүртэл үргэлжилнэ. Химийн идэвхитэй бүрэлдэхүүнүүдийн нэвтрэх гүн хэдэн арван сантиметр хүрдэг. Бетоны гүнд нэвтэрсэн химийн идэвхитэй бүрэлдэхүүнүүд нь усанд уусаад бетонд агуулагдаж буй ионны бүрэлдэхүүнүүдтэй урвалд орно. Энэхүү урвалын явцад устай харицлан үйлчлэх мөн үл уусах кристаллогидратуудыг үүсгэх чадвартай нийлмэл давс бий болно. Эдгээр кристаллуудын сүлжээ нь 0.4мм хүртэлх өргөнтэй жижиг ан цав ба цуудасуудыг бөглөдөг. Кристаллууд нь бетоны бүрэлдэхүүн хэсэг болно. Үл уусах кристаллуудаар бөглөгдсөн маш жижиг ан цав, сийрмэг хэсгээр ус нэвтэрэхгүй. Ан цав, цуудасыг бөглөж буй кристаллуудын сиймхий тор нь усны даралт өндөр үед ч ус шүүрэх явцаас сэргийлнэ. Пенетрон материалаар боловсруулагдсан бетон нь уур үл нэвтрэх үзүүлэлтээ хадгалдаг. Химийн идэвхитэй бүрэлдэхүүнүүдийн нэвтрэх хурд ба гүн нь нягтрал, бетоны сийрэгжилтийн байдал, хүрээлэн буй орчины чийглэг ба температур зэрэг олон хүчин зүйлээс хамаардаг. Ус алга болвол кристалуудын төлөвших явц зогсоно. Ус бий болвол кристаллуудын төлөвших явц дахин сэргэдэг ба өөрөөр хэлвэл Пенетроноор боловсруулсны дараа бетон өөрийгөө засах чадвартай болдог.

        Пенекрит материалын үйлчлэх зарчим Пенекрит материальын үйлчилгээ нь суултгүй ба уян байдлын зарчим дээр тулгуурласан байдаг. Пенекрит нь 0.4мм –ээс их хучилтын өргөнтэй бетоны ан цавыг тусгаарладаг.  

     Пенеплаг болон Ватерплаг материалуудын үйлчлэх зарчим Пенеплаг болон Ватерплаг материалуудын үйлчилгээ нь тэдгээрийн түргэн барьцалдах ба барьцалдах явцдаа өргөсөа чадвар дээр тулгуурласан байдаг. Пенеплаг болон Ватерплаг материалыг хэрэглэснээр бетоныг цаашид Пенекрит ба Пенетрон материалаар боловсруулахад ус шүүрэлтээс тусгаарлах боломжийг олгодог.

      Пенетрон Плюс материалын үйлчлэх зарчим Пенетрон матераилын үйлчлэх зарчим нь осмос, броуновскийн хөдөлгөөн, хатуу фаз дахь реакц ба шингэний гадаргуун тэлэлтийн хүч гэсэн 4 гол зарчим дээр тулгуурладаг. Пенетрон плюс материалын химийнх идэвхитэй бүрэлдэхүүнүүд нь бетоныг хатууруулагч бүрэлдэхүүнүүдтэй харилцан үйлчилдэг. Шигшүүрийн тусламжтайгаар Пенетрон плюс хуурай хольцыг шинэ бетоны гадаргуу дээр тараана. Ингэснээр Пенетрон плюс хуурай хольцоор боловсруулсан гадаргуун дээр химийн өндөр потенциал үүсэх ба дотоод бүтэц химийн нам потеницалыг хадгалж үлдэнэ. Цаашлаад Пенетрон Плюс материалын үйлчилгээний зарчим Пенетроныхтой ижил байна. Пенетрон плюсээр боловсруулагдсан хэвтээ бетонон гадаргуу нь Пенетрон уусмалаар боловсруулсны дараах бетонон гадаргуутай ижил ус үл нэвтрүүлэх болон уур үл нэвтрүүлэх чанартай байна.

       Пенетрон Адмикс материалын зарчим Пенетрон Адмикс материалын үйлчилгээ нь хатуу фаз болон шингэний гадаад тэлэлтийн хүч гэсэн 2 зарчим дээр тулгуурлана. Пенетрон Адмиксын химийн идэвхитэй бүрэлдэхүүнүүд нь шинэ бетонд нөлөөлдөг. Пенетрон Адмикс хуурай хольцыг устай хольж зуурмаг бэлдэх үед бетоны хольц руу хйинэ. Бетонд жигд тархсан Пенетрон Адмикс материалын химийн идэвхитэй бүрэлдэхүүнүүд нь усанд уусан, бетонд агуулагдаж буй металлуудын давс, янз бүрийн оксид, хөнгөн цагаан кальци, ионы комплексуудтай урвалд орно. Цаашлаад Пенетрон адмикс материалын үйлчилгээний зарчим Пенетроныхтой ижил байна. /3.2-р зүйлийг үзнэ үү/ Пенетрон Адмикс нэмэлт бүхий бетон нь Пенетрон уусмалаар боловсруулсны дараах бетонон гадаргуутай ижил ус үл нэвтрүүлэх болон уур үл нэвтрүүлэх чанартай байна.

Пенетрон системын материалуудын хэрэглэх хүрээ

нөөцийн сав /хүнсний ус хадгалах / усан сан /бассейн/ ногооны зоорь барилгын суурь /фундамент / уурхай, далан байрны хонгил / подвал / үйлдвэрийн байр хүнсний бүтээгдэхүүнийг хадгалах газар нефт бүтээгдэхүүнийг хадгалах газар газар доорх гараж /паркинг / цэвэр бохир усны хоолой яндан хоолой гүүрийн барилга сорох байгууламж /насосын станц / усан техникийн байгууламж газар доорх нүхэн байгууламж туннел ,цэвэрлэх байгууламж бетон хийцийн засварын газар боловсруулсан цөмийн түлш хадгалах газар радиац нөлөөлөлд өртөх бетонон байгууламж химийн нөлөөлөлд өртөх бетонон байгууламж уулын баяжуулах ба хоргодох байгууламжууд. 2001онд “НИИЖБ” улсын үйлдвэрийн газрын бетон ба төмөр бетон хийцийн идэгдэлт мөнх цэвдэгийг шинжлэх лабораторид Пенетрон, Лахта , Гидротэкс-В, Ксайпекс, Акватрон 6, ус тусгаарлагч материалууд болон хамгаалалтгүй бетоны ус үл нэвтрүүлэх үзүүлэлтийн харьцуулсан шинжилгээг хийв.

“Бетонууд_ус үл нэвтрүүлэх чанарыг тодорхойлох аргууд” ГОСТ 12730.5­84 стандартын шаардлагын дагуу ус үл нэвтрүүлэх чанарын үзүүлэлтийг тодорхойлсон шинжилгээнийдүнг хүснэгтээр харуулвал:

Бетон дээрх ус үл нэвтрүүлэх үзүүлэлтээр Пенетрон, Лахта , Гидротэкс-В, Ксайпекс Акватрон 6, ус тусгаарлагч материалуудын харьцуулсан шинжилгээний тухай 

Барилгын чанар, аюулгүй байдлын газрын мэргэжилтэн Д.Бямбасүрэн