Мөн санхүүжилт, үнэ тарифыг шийдэж чадаагүй удсан нь алдагдал хүлээхэд нөлөөлсөн байна. Энэ талаар “Эрчим хүчний салбар дахь тулгамдсан асуудлууд, үр ашиг, ирээдүйн чиг хандлага” сэдэвт олон улсын чуулга уулзалтаар онцолсон юм. 

Энэ салбарт шаардлагатай хөрөнгө оруулалт 500 сая төгрөгөөр тогтохгүйг Эрдэс баялаг, эрчим хүчний сайд болон эрчим хүчний компаниудын удирдлага ч санал нэгтэй байна. Тухайлбал, нийслэлд баригдах дулааны V эх үүсвэрийн хөрөнгө оруулалт 400 сая ам.доллараар хэмжигдэж байгаа аж. Үүнээс гадна нар, салхины станц барихад мөн л хөрөнгө оруулалт хэрэгтэй болоод байгаа юм. Одоогоор энэ салбарт хувийн хэвшлийнхнийг оруулах нь хамгийн зөв гарц гэж чуулга уулзалтад оролцож байгаа төлөөлөгчид үзэж байна. Ингэхийн тулд хууль эрх зүйн орчин тодорхой байх, хэрэглэгч монополь үйлдвэрийн дарамтгүйгээр эрчим хүч хэрэглэх, хувийн хэвшлийнхнийг өр төлбөрийн эрсдлийг арилгах шаардлагатай аж.