Нийслэлийн төвийн энэ цэцэрлэг хог новшиндоо дарагдаж, тэнэмэл хүмүүсийн орогнох газар болсоор удаж байгаа билээ. Энэ талаар тус дүүргийн Засаг дарга Г.Төмөрбаатараас тодрууллаа.

-Улаанбаатар зочид буудлын өмнөх цэцэрлэгийг тохижуулах гэж байгаа тухай сонслоо. Энэ талаараа сонирхуулаач?

-Сүхбаатар дүүрэг тохижилтынхоо ажилд ихээхэн анхаарч байгаа.Төсөв мөнгө хомсдолтой байгаа энэ үед танил талын хүрээнд болон төслийн байгууллагад хандаж байж тохижилтынхоо ажлыг хийж байна. Энэ цэцэрлэгийг шинэчлэх талаар бараг өнгөрсөн нэгдүгээр сарын нэгнээс эхлэн яригдсан. Ингээд БНТУ-ын Анкара хотын даргатай холбоо барьж тус улсын олон улсын байгууллага нь энэ цэцэрлэгийг тохижуулахаар болсон.

-Туркийн олон улсын байгууллагын буцалтгүй тусламжаар тохижуулахаар болсон. Иймд манайд бэлэглэж байна гэж ойлгож болно. Энэ ажлын дагуу Засаг даргын дэргэд ажлын хэсэг байгуулан цэцэрлэгийг ашиглалтад орох хүртэл нь хянана. Цэцэрлэгийг Турк-Монголын найрамдалт харилцааны парк гэж нэрлэхээр болсон.

-Цэцэрлэгт хүрээлэн байгуулах компанийг сонгохоор тендер зарласан. Нэг байгууллага шалгарсан байна лээ. Нэрийг нь сайн санахгүй байна. Бид энэ байгууллагад бэлтгэлээ сайн ханга, зураг төслөө хотын ерөнхий архитектороор батлуул мөн ажил эхлэхийн өмнө нь хашаагаа стандартын дагуу тусгаарла гэсэн шаардлагыг тавьж байгаа. Цэцэрлэг ирэх аравдугаар сар гэхэд ашиглалтад орчихсон байна. 

Улаанбаатар Таймс