Ногоон байгууламж, амрах зориулалтын талбай, спорт чийрэгжүүлэлт, хүүхдийн тоглоомын хэрэгслүүд зэрэг иж бүрэн тохижилттой арван бичил цэцэрлэгийг байгуулаад байна. Энэхүү бичил цэцэрлэгүүдэд нийслэлийн төсвөөс дөрвөн зуугаад сая төгрөгийг зарцуулжээ. Ингэж нийслэлийн төсвөөс хөрөнгө мөнгө гаргаж хийсэн бичил цэцэрлэгүүдийг эвдэх тохиолдол гардаг тул энэ жил эзэнтэй болгох нь чухал гэж үзэж байгаа юм. Мөн сул орон зай ихтэй орон сууцны хорооллуудын дунд бичил цэцэрлэгүүдийг байгуулж байгаа. Тиймээс тухайн газрын СӨХ-нд бичил цэцэрлэгүүдийг хариуцуулан өгч байна. Одоогоор Сонгинохайрхан, Баянзүрх дүүргийн нэг, нэг бичил цэцэрлэгийн ажил явагдаж байгаа ба удахгүй бэлэн болох аж.