"Жаст" группын Баянзvрх дvvргийн XIV хороонд барьсан зоорьтой 15 давхар гурван барилгад хийсэн шалгалтаар багагvй зөрчил илэрчээ. Давчуу газарт өндөр барилга барьсан тус компанийн барилгад хэрэглэж байгаа плита, карказ, арматурынх нь хэмжээ тодорхойгvй гарчээ. Мөн захиалагч, гvйцэтгэгчийн ажлыг компани ганцаараа гvйцэтгэж байсан нь хууль зөрчжээ. Арматурын олдоц муу байсан учир Хятад арматур ашигласан гэнэ. Барьсан барилгууд нь нарны гэрлийн тусгал барилга хоорондын зай хэмжээ зөрчсөн учир орон сууцны зориулалтыг нь өөрчлөхийг МХЕГ-ын байцаагчид санал болгожээ. Мөн эрvvл ахуйн заалт зөрчигдсөн барилгуудыг аар зориулалтаар ашиглах хэрэгтэй гэв. Баригдаж буй байранд 50 орчим айл захиалгаа өгсөн байна. Нягтрал ихтэй, есөн давхараас дээш барилгатай хороололд иргэний хамгаалалтын зориулалтаар шугамын радио зайлшгvй тавих шаардлагатай. Гэтэл Жаст групп зураг төсөлдөө шугамын радиог баталсан ч радио холбооны угсралт хийгдээгvй байна. Тvvнчлэн цонх нь дулааны шаардлага хангахгvй, стандартын бус байжээ.

"Гангар" ХХК-ийн Баянзvрх дvvргийн VI хороонд барьж байгаа орон сууцны зориулалттай 15 давхар долоон барилгын ажилд шалгалт хийхэд барилгын баганын бетон нь шаардлага хангаагvй, арматур нь зөрчилтэй гарсан байна. Зураг төсөлд заасан бетон зуурмагаа хэрэглээгvй лабораторын шинжилгээнээс зураг төсөл нь зөржээ. Ман м 300, м 350 маркийн бетоноор хийх байсныг дан ганц м 300-аар хийсэн байна. МХЕГ-ын дэд даргын шийдвэрээр зөрчил дутагдлаа арилгах хvртэл компанийн барилга угсралтын ажлыг зогсоохоор болов.

"Шангри-ла-УБ" ХХК-ийн 17 даахар барилгын 4-17 давхарын өндрийн хэмжээ зөрvvтэй, цонхны доод хананууд сул өрөгдсөн, сантехник угсралтын зарим ажил батлагдсан зураг төслөөсөө зөрсөн байна. Тvvнчлэн салхивчны техник нь хvчин чадал тодорхойгvй, бичиг баримтгvй. Иймд тодорхой болгож зураг төслийг нь vзvvлэхийг МХЕГ-ын дэд дарга Д.Гvньбазар гvйцэтгэгч компаниас шаардав. Манайд баригдаж байгаа барилгууд дотоодын стандартын дагуу байх ёстой. Гэтэл Шангри-ла-УБ нь Хятадын стандартаар баригдсан барилга, давхар бvр дэх ариун цэврийн өрөөний тоо хvний тооноосоо бага байгаа учир тоог нь нэмэхийг шаардлаа.

"Чантай" ХХК-ийн Сонгинохайрхан дvvргийн XV дугаар хороонд баригдаж буй 12 давхар, гурван блок орон сууцны байранд хийсэн шалгалтаар ашигласан арматур нь гарал vvсэл тодорхойгvй хувийн vйлдвэрийнх байжээ. Мөн бетон арматур нь чанарын шаардлага хангаагvй байна. Иймд компанийн тусгай зөвшөөрлийг хvчингvй болгох талаар БХБЯ-нд хvргvvлэхээр болов. Тус компани нь Макс группын барилгыг барьжээ.

"Икс-ди-Эф" компанийн Баянгол дvvргийн I хороо дахь Богд-Ар орон сууцны хорооллын 21 дvгээр байрыг улсын комисс хvлээж аваагvй байхад оршин суугчдаа оруулж барилгыг ашиглаж эхэлсэн байна. Барилгын зураг төслөө эрvvл ахуйн хяналтаар хянуулж зөвшөөрөл аваагvй байжээ. Барилгын шатны хонгилын цонхуудад хаалт хийгээгvй байна. Баталгаажсан зураг төслөө өөрчлөн нэг давхрын хэсгийн дээр сэндвичэн хавтангаар тасалгаа гарган vйлчилгээ явуулахад бэлэн болгожээ. Орон сууцны зориулалтаар баригдсан барилгад vйлчилгээний газар байх ёсгvй. Иймд заасөн хугацаанд буулгахгvй бол дараагийн шатны арга хэмжээг авахыг компанийн удирдлагуудад санууллаа. Барилга гvйцэтгэгч нь 100 хувь Хятадын хөрөнгө оруулалттай аж. Богд-Ар хороололд 1200 хvн амьдрах боломжгvй гаднаа ногоон байгууламж, тоглоомын талбай, аато машины зогсоол ч байхгvй. Оршин суугчид нь жил гаруй хугацаа өнгөрөхөд байр эзэмших эрхийн бичгээ аваагvй байна. Д.Гvньбазар "Тус компанийг цаашид vйл ажиллагаа явуулах боломжгvй гэсэн дvгнэлт гарган ЗТБХБЯ-нд зөвшөөрлийг нь хvчингvй болгох асуудлыг тавьж шийдvvлнэх нь зvйтэй" гэв.