Үерийн улмаас Зайсангийн болон Нисэхийн товчооны гүүр нурж, цөөнгүй зам хагарч гэмтээд байгаа. Үүнтэй холбоотойгоор Нийслэлийн зам засварын газар, Нийслэлийн мэргэжлийн хяналтын газраас засварлах зам гүүрийг тогтоосон байна.

Энэ талаар Нийслэлийн мэргэжлийн хяналтын газрын автозам засварын байцаагч Д.Дуламрагчаагаас тодрууллаа.

-Зам гүүрийн эвдрэл хохирлын хэмжээ тогтоогдсон гэл үү?

-Нийслэлийн хэмжээнд засч сэлбэх ёстой гэмтэж хагарсан гүүр, автозам, далан зэрэг газруудын нэгдсэн дүн гарсан. Одоогийн байдлаар асфальтон бетон хучилттай 12904 м.кв, далан хөвөө 10125 м.куб, шуудуу 7964 м.куб, хашлага 671 м.кв, хоолойн чулуун өрлөг 1291 м.кв, зорчих хэсэг дээрх шороо 8152 м.куб зэрэг замтай засварт орох шаардлагатай байгаа. Гэхдээ цэвэрлэгээний ажил дууссаны дараа дахин хэмжилт хийхээр төлөвлөөд байна.

-Одоогийн байдлаар эвдэрсэн гүүрнүүдийн засварын ажил хэр явагдаж байна вэ. Хэзээ ашиглалтад орох вэ?

-Эвдрэл гэмтэл их байгаа. Үүнээс гадна засварын ажилтай холбоотой хүндрэлтэй асуудал цөөнгүй байна. Нисэхийн гүүр түүний орчимд л гэхэд 30-40 см лаг шавар тунасан. Одоо болтол цэвэрлэгээний ажил нь дуусаагүй хийгдэж байна. Мөн ус гаргалгааны асуудал хүндрэлтэй байгааг хэлэх хэрэгтэй. Гүүр засварын ажил дуусах болоогүй. Төсөв нь батлагдаагүй. Засгийн газраас хөрөнгө хуваарилна шүү дээ. Дүүргийн Засаг дарга нар, Онцгой байдлын газар, Нийслэлийн захирагчийн албаныхан газар дээр нь очиж үзсэн. Нөхцөл байдалтай танилцсан болохоор гүүрний засварын ажлыг нааштай шийдэж өгөх байх аа.

-Гүүр засахад хэдэн төгрөг шаардлагатай байна вэ?

-Гүүр нурах шалтгааныг тогтоосон байгаа шүү дээ. Зайсангийн гүүрийг барилгын компанийн буруутай үйл ажиллагаанаас болж нурсан гэж байсан. Энэ үнэн үү?

-Тийм ээ. Зайсангийн гүүрний ойр хавьд барьсан орон сууцны барилгуудтай л холбоотой.

-Ямар компанийн барилгууд буруутай болж таарах вэ?

-Ихэвчлэн "MCS" компанийн барилгууд байдаг. Эдгээр барилга 2007 онд баригдсан.

Нийгмийн толь