Зурвас бичих
Messenger
Залгах- Нүүр
- Мэдээ, мэдээлэл
- Barilga
- 2019-11-05
Зөвшөөрөлгүй айлуудад 500 га газар шаардлагатай байна
Нийт 5000 гаруй өрх зөвшөөрөлгүй газар буусан байдаг бөгөөд эдгээр өрхүүдийг нийслэлийн газрын алба тодорхой бүсэд нүүлгэн шилжүүлэхээр судалгаа хийж байна. Нийслэлийн хэмжээнд 2233 өрх үер усны аюултай бүсэд байдаг. Эдгээр айлаас 126 нь өнгөрсөн баасан гарагийн үерт орон гэрээ урсгаж бусад нь их бага хэмжээгээр усанд автжээ. Иймээс тэднийг яаралтай нүүлгэн шилжүүлэх шаардлагатай байгаа юм. Нийслэлийн газрын албанаас тодорхой газруудыг заан дээрх айлуудыг нүүлгэн шилжүүлэхээр судалгаа хийж байна. Одоогийн байдлаар Хан-уул дүүрэгт 200 га, Сонгинохайрхан дүүрэгт 35 га газар мөн Баянзүрх дүүрэгт багахан хэмжээний газар иргэдэд олгохоор төлөвлөжээ.
Ганцхан үерийн далангийн ойр орчмын айл өрхүүдийг бус шарилын газрын ойр орчмын болоод өндөр хүчдэлийн доор буусан айлуудыг мөн нүүлгэн шилжүүлэх юм. Эдгээрээс Сонгинохайрхан дүүрэгт хамгийн их буюу 503 айл бусад дүүрэгт тус бүр 300 гаруй өрх байдаг байна. Энэ айлуудыг нүүлгэн шилжүүлж улмаар цахилгаан эрчим хүчээр хангахын тулд улсын төсвөөс найман тэрбум төгрөг төсөвлөжээ. Энэ айлууд дахин гамшигт өртөж болзошгүй учир өөрсдийн ухамсраараа татвар төлөгчийн мөнгөөр зөвшөөрөгдсөн газарт буухыг анхааруулж байна.
Энэ айлуудад стандарт хэмжээгээр газар олгоно гэж тооцвол 500 га газар шаардлагатай байгаа юм байна. Гэхдээ эдгээр газарт сайтар судалгаа шинжилгээ хийхгүй бол цэвдэгтэй, намагтай байдгаас гадна хүүхдүүд нь сургууль соёлоосоо холдох гээд тал талын бэрхшээл байна. Тэглээ гээд хэлж ирдэггүй хийсч ирдэг гамшигт өртөж их хэмжээний эд материал тэр бүү хэл амь насаа алдахад хүрч байгаа нь харамсалтай юм.
Монцамэ