"Шанхай" констракшн групп Монголд 5000 хүний суудалтай спортын ордныг хугацаанд нь барьж, хүлээлгэж өгөхөөр болсонд талархаж байна. Энэ жил хоёр орны хооронд дипломат харилцаа тогтоосны 60 жилийн ой болно. Энэ ойн хүрээнд олон арга хэмжээ төлөвлөгдсөн байгаа. Монгол Улсын Засгийн газарт нийгмийн салбарын материаллаг баазыг сайжруулах, тухайлбал спорт, биеийн тамирын чиглэлд оруулах хөрөнгө мөнгө дутмаг байна. Ийм үед танай групп Засгийн газрын үйл ажиллагааны хөтөлбөрт тусгагдсан томоохон ажилд тусалж буйд таатай байна хэмээн Шадар сайд хэлэв.

"Шанхай" констракшн группийн дэд ерөнхийлөгч Танг Жун спортын ордны ажил хэвийн түвшинд үргэлжилж байгааг болон тус групп гадаадын олон оронд бүтээн байгуулалтын ажилд оролцож ирснийг дурдаад 30 мянган хүний суудалтай, олон улсын тэмцээн зохион байгуулах боломжтой шинэ цэнгэлдэх хүрээлэн Монголд барьж өгөх санал тавилаа.