боловсон хүчний чадвар дутмаг байсан зэргээс шалтгаалжээ.

Харин энэ үед гадаадын хөрөнгө оруулалт орж ирсэн нь энэ салбарыг ямар ч байсан нэг удаа сэхэл авахуулсан байна. Ингэхдээ цахилгаан станцууд, ялангуяа дөрөвдүгээр цахилгаан станцыг Багануурын дэгдэмхий чанартай нүүрсэнд тохируулахаар шинэчлэлт хийжээ. Мөн хүмүүсийн үйл ажиллагаанаас гарч болох доголдлыг арилгах зорилгоор удирдлагыг бүрэн автоматжуулсан байна.

1990 оноос хойшхи 18 жилд энэ салбарт нийт 570 сая ам.долларын зээл тусламж орж ирсэн бөгөөд үүнээс 350 сая нь зээл, 220 сая нь тусламж байсан юм. Түүнчлэн эрчим хүчний алдагдлыг бууруулах зорилгоор 30-аад сая ам.долларын шинэчлэл ч хийжээ. Харин цаашдаа Дархан, Эрдэнэт, Дорнод зэрэг аймгийн цахилгаан станцад шинэчлэл хийж, хүчин чадлыг өсгөх, эрчим хүчний хангамжийг төвлөрүүлэх биш, тараах зорилгоор орон нутагт уурхайнуудыг түшиглэн Шивээ-Овоо, Чойр гэх мэт газарт 300-500 мвт-ын хүчин чадалтай станц барих шаардлагатай байгаа ажээ. Мөн эрчим хүчний хувьд хамгийн хүнд байдаг баруун гурван аймагт Тайширын усан цахилгааны станцын зэрэгцээ ажиллах жижиг цахилгаан станц барих асуудлыг ойрын хоёр жилд шийдэх хэрэгтэй гэж Эрчим хүчний газрын дарга Ц.Баярбаатар дээрх зөвлөлгөөний үеэр хэллээ.

Цаашлаад салхин станцын томоохон парк байгуулах, нүүрс-ний станцуудыг хийн түлшинд шилжүүлэх газрын дулааныг ашиглах зэрэг арга хэмжээ авч эхлэхгүй бол эрчим хүчний салбар эргээд хүнд байдалд орохоор болоод байгаа ажээ.