дулааны үнийг олон янзаар тооцдог ч ямар ч байсан ахуйн хэрэглэгчдийн хувьд нэг ам.метрт 265 төгрөг байсныг 350 төгрөг болгон 85 төгрөгөөр нэмэхээр тооцжээ.

Эрчим хүчний салбарын тулгамдсан асуудлаар хийсэн уулзалт зөвлөгөөн дээр ЭХЗГ-ын дарга Р.Ганжуур өчигдөр мэдэгдлээ. ЭХЗГ анх байгуулагдаж байсан 2001 онд цахилгааны үнэ нэг квт/цаг нь 45 төгрөг, дулааных нэг ам. метрт 150 төгрөг байсан юм. Түүнээс хойш шат дараалан нэмж, ингэхдээ цахилгааны үнийг жилд дунджаар долоон хувь, дулааныг есөн хувь нэмж иржээ. Харин энэ удаагийн нэмэлтээр цахилгааны үнийн жилийн дундаж өсөлт 12, дулааных нь 27 хувь болж өсөх юм. Цахилгаан, дулааны төлбөрийг хэрэглэгчдээс авахдаа төгрөгөөр тооцдог хэдий ч үнэ тогтоох тооцоо хийхдээ төгрөгөөр биш, валютаар тооцдог болж байгаа аж. Энэ нь валютын ханш байнга өөрчлөгдөн хөдөлж байгаатай холбоотой ажээ.