•      Модон рамтай уламжлалт модон цонх. Энэхүү цонх нь 2 давхар шилтэй, үнэ хямд, хамгийн өргөн хэрэглэгддэг

•      Модон рамтай шилэн багц цонх. Хүмүүсийн дунд шилэн багц цонхыг вакуум цонх гэж буруу ойлголтоор ярьж хэвшсэн. Энэ бол вакуум цонх биш юм.

•      Хуванцар рамтай шилэн багц цонх.

•      Хөнгөн цагаан рамтай шилэн багц цонх

Сайн  чанарын   модоор   норм, стандартын дагуу хийгдсэн модон цонх нь бусад материалаар хийгдсэн цонхноос эдэлгээ даах чадвар, битүүмжлэлийн хувьд дутахааргүй сайн байдаг.

Давуу тал:

Дулаан тусгаарлах чадвар сайтай, дулааны тэлэлт маш бага учраас механик гэмтэлд бараг өртдөггүй

Сөрөг тал:

Ус, чийгнээс хамгаалахын тулд үе үе будаж байх шаардлага гардаг

Хуванцар шилэн бащ цонхны рамыг бат  бэх болгохын тулд Р\/С-ээр (хуванцар материалаар) хийж дулаан тэлэлтийг хязгаарлана. Эрс тэс уур амьсгалтай, хурц нартай   манай оронд эдгээр нөлөөлөлд тэсвэртэй, сайн чанарын хуванцарыг, резин жийргэвчтэйгээр хэрэглэж байна.

Давуу тал:

Засвар үйлчилгээ бараг шаардахгүй сайн талтай

Сөрөг тал:

Дулааны тэлэлт ихтэй тул ийм төрлийн цонхыг үйлдвэрлэх, угсрах үед технологийн нарийн горим шаардана

Хөнгөн цагаан рамтай шилэн багц цонхны рамны дулаан алдагдал өндөр байдгаас манай орны нехцөлд ашиглах профиль нь хоёроос доошгүй сувагтай, гадна сувагт нь хөөсөнцөр эсвэл хөөсөн полиуретан дулаалгыг хийсэн байх шаардлагатай байдаг.

Мод буюу хуванцар рамтай шилэн багц цонхыг сүүлийн үед нилээд өргөн хэрэглэж эхлээд байгаа. Дулаан тусгаарлах чадвар өндөр сайн талтай боловч үнэ ихтэй. Ийм учраас хүмүүс тэр бүр хэрэглэж чадахгүй байна.

Давуу тал:

Бат бэх, эдэлгээний хугацаа урт, засвар үйлчилгээ бага.

Сөрөг тал:

Металл рамын дулааны алдагдал харьцангуй их.

Хувийн орон сууцны хувьд бат бөх, үнэ өртөг, дулаан техникийн үзүүлэлтээр хамгийн тохиромжтой нь модон рамтай цонх байна. Ердийн модон рамтай уламжлалт цонх, хуванцар, металл ба модон рамтай шилэн багц цонх ба хаалганы үйлдвэрлэлийн тоо нь өнөөгийн зах зээлийн эрэлт хэрэгцээг хангахуйцаар байгаа боловч тэдгээр нь чанарын шаардлага хангахгүй байна.

Тухайлбал: Цонх, хаалга үйлдвэрлэдэг томоохон  компани Улаанбаатар хотод өнөөдөр 20 орчим байгаагийн 12 нь хуванцар рамтай шилэн багц цонх үйлдвэрлэж байна.

о     Цаашид цонх, хаалганы үйлдвэрүүдийн бүтээгдэхүүний чанарт тавих хяналт шалгалтын системийг бий болгож ажлуулах, энэ ажилд "Хэрэглэгчдийн эрх ашгийг хамгаалах нийгэмлэг"-ийг татан оролцуулах;

о Зөвхөн "Барилгын дулаан техник. БНбД 2.01.03-92 стандарт”-д нийцсэн цонх, хаалгыг зах зээлд гаргадаг журамд шилжих, ердийн цонхыг дээрхи стандартад нийцүүлэхийн тулд гурван давхар шиллэгээний аргыг хэрэглэх;

о Вакуум цонхны тухай ард иргэдийн дунд байгаа буруу ташаа ойлголтыг залруулж, жинхэнэ вакуум цонхыг зах зээлд нэвтрүүлэх, мөн эсэхийг тодорхойлох арга технологийг бий болгож эзэмших;

о Манай орны хуурай, эрс тэс уур амьсгалын нөхцөлд одоогийн хуванцар рам тохирохгүй байгааг харгалзан үзэж хуванцар рам хэрэглэх шаардлагатай бол зөвхөн сайн чанарын хуванцар материалыг ашиглах;

о Хөдөө орон нутагт цонхны раманд янз бүрийн материал ашиглах боломж бага учраас модон рамыг сайтар хатсан модоор чанартай хийж, ус чийгнээс хамгаалан тохирсон будгаар 2 доошгүй давхарлан будах хэрэгтэй.