Монгол Улсад шинэ нисэх буудал барих талаар өнгөрсөн жилийн тавдугаар сараас хойш ярьсан. Тэгээд Монгол Улсын Засгийн газар Японы олон улсын хамтын ажиллагааны банктай “Улаанбаатар хотод олон улсын нисэх буудал байгуулах төсөл” хэрэгжvvлэх гэрээ байгуулжээ. Энэ гэрээгээр тус банкнаас 28 тэрбум 807 сая иений хөнгөлөлттэй зээл авахаар болсон. Уг зээл 40 жилийн хугацаатай бөгөөд эхний 10 жилд зээлийн төлбөрөөс чөлөөлөх юм байна. Зээлийн хvv нь жилийн 0.2 хувь байх гэнэ. Шинэ нисэх буудал байгуулахад Японы “Azusa Sekkei”, “Oriental Consultants” компани зөвлөх vйлчилгээ vзvvлэх ажээ. Эхлээд шинэ нисэх буудлын зураг төсөл гаргана. Мөн барилгын ажил гvйцэтгэх компанийг сонгон шалгаруулах тендрийн бичиг баримт боловсруулах юм. Vvнээс гадна барилга барих vйл ажиллагаанд өдөр тутам хяналт тавих ажээ. Зөвлөх vйлчилгээ энэ оны наймдугаар сард эхэлнэ. 2009 онд багтааж бичиг баримт боловсруулах, зураг төслийн ажлаа хийх аж. Ингээд ирэх жил гvйцэтгэгчээ сонгон шалгаруулж, 2015 оны наймдугаар сарын сvvлчээр гэхэд шинэ нисэх буудал ашиглалтад орох юм байна. Хэрэв vр бvтээлтэй шуурхай ажиллаж чадвал 2-6 сарын хугацаа хожих боломж бий ажээ. Шинэ нисэх буудал барих төсөл удааширсан шалтгаан нь УИХ-ын сонгууль, Засгийн газрын бvтцийн өөрлөлтөөс болсон байна.

Энэ нисэх буудал хvчин чадлын хувьд “Чингис хаан” нисэх буудлаас дөрөв дахин их, жилд 1.7 сая зорчигч хvлээн авч, 18100 нислэгт vйлчлэх ажээ. Зөвлөх vйлчилгээ vзvvлэх хоёр компанийн төлөөлөгч “Бид бусад оронд хэрэгжvvлж ирсэн өөрийн дадлага туршлагыг бvрэн гаргаж ажиллахаа та бvхэнд амлаж байна” хэмээн мэдэгдэв.

Олон улсын иргэний нисэхийн байгууллагаас гаргасан нисэх буудлын аэродром ашиглалт, цаг агаарын ямар ч нөхцөлд бэлэн байдал 95 хувиас дээш байхаар зохион байгуулахыг зөвлөдөг. “Чингис хаан” нисэх буудалд хийсэн судалгаанаас vзэхэд агаарын хөлгийн буулт, хөөрөлт зөвхөн нэг талаас нь гvйцэтгэж байгаа. Энэ нь нисэх буудлын урд талын өндөр уулс, салхины чиглэлтэй холбоотой ажээ. Мөн өвөл арванхоёр, нэгдvгээр сард утаанаас болж vзэгдэх орчин хязгаарлагдаж, нисэх буудлын бэлэн байдал 80-83 хувь болон буурдаг байна. Бас хаврын улиралд болон 4-7 сар хvртэл салхи баруун хойноос нисэх буудлын зурвасын дагуу хvчтэй салхилж нисэх буудлын ашиглалт буурдаг ажээ. Ингээд Улаанбаатараас 50 км зайд Хөшигийн хөндийд шинэ нисэх буудал барих болжээ.