МҮХАҮТ-ын хурлын танхимд 8-р сарын 24-ний өдөр Мюнхен хотын үзэсгэлэнгийн корпорациас ХБНГУ-ын Мюнхен хотод 2010 онд зохиогдох “Bauma 2010” Барилгын болон уул уурхайн хүнд даацын машин механизм, барилгын материал үйлдвэрлэлийн тоног төхөөрөмжийн олон улсын үзэсгэлэн яармагын талаарх мэдээллийг хүргэх зорилгоор бизнес уулзалт, хэвлэлийн бага хурлыг зохион байгуулах гэж байна.

 

ХБНГУ-ын Мюнхений олон улсын үзэсгэлэнгийн корпораци нь дэлхийд 10, Герман улсдаа үзэсгэлэн зохион байгуулдаг гол 5 корпорацийн нэг юм. Энэ үзэсгэлэн нь 3 жилд нэг удаа зохион байгуулагддаг. 2007 онд 49 орны 3000 аж ахуйн нэгжүүд болон 500 гаруй мянган мэргэжилтэнүүдийг амжилттай хамруулан оролцуулсан нь дэлхийн хамгийн том салбарын үзэсгэлэн болсон юм. Өөрсдийн үзэсгэлэнгийн бараа бүтээгдэхүүнийг Хятад улсын зах зээлд танилцуулах зорилгоор Ази тивд хамгийн том тооцогдох “Вauma China” олон улсын үзэсгэлэнг зохион байгуулсан. Түүнчлэн БНХАУ-ын Шанхай хотод өөрсдийн салбар компаниа байгуулан амжилттай ажиллаж байна. 

ХБНГУ-ын Мюнхен хотноо 2010 оны 4-р сарын 19-25-ны өдрүүдэд зохион байгуулагдах “Bauma 2010” үзэсгэлэнг сурталчлах бизнес уулзалт, хэвлэлийн бага хурал нь Монгол улсын бизнес эрхлэгчдэд болон аж ахуйн нэгжүүдийг өргөнөөр оролцуулах зорилготой юм.

 

Хугацаа: 09:30-11:40   2009 оны 8 дугаар сарын 24ний өдөр

Хурал болох байршил:  МҮХАҮТ-ын хурлын танхим

Хаяг: Хан-Уул дүүрэг, 1-р хороо, М.Гандийн гудамж, МҮХАҮТ-ын байр, УБ шуудан-101011001

Хэвлэлийн бага хурлын дараа та бүхнийг хамтарсан buffet lunch-д урьж байна.

Хэрэв та бүхэнд ямар нэгэн мэдээлэл хэрэгтэй байгаа бол бидэнтэй холбогдоно уу.

 

 

Bauma-ийн баг та бүхэнтэй Улаанбаатар хотод дахин уулзахдаа баяртай байна!

 

Та бүхэнд сайн сайхныг хүсье.

Eugen Egtenmeir                                                                       С.Дэмбэрэл    

Мюнхений олон улсын                                                             МҮХАҮТ-ын дарга

үзэсгэлэнгийн газрын

орлогч захирал 

 

09:30-10:00               Хэвлэл мэдээллийнхэн болон аж ахуйн нэгжүүд суудлаа эзлэх

10:00-10:05               МҮХАҮТ-ын орлогч дарга Ц.Янсанжав хурлыг хөтөлж явуулна.

10:05-10:15               МҮХАҮТ-ын дарга С.Дэмбэрэл нээж үг хэлнэ.

10:15-10:50               Мюнхений олон улсын үзэсгэлэнгийн газрын орлогч захирал (MMI)Ноён  Eugen Egetenmeir үг хэлнэ

10:50-11:05               ХБНГУ-ын инженерүүдийн холбооны гишүүн, Барилгын болон барилгын материалын үйлдвэрлэлийн тоног төхөөрөмжийн ассиоциациас (VDMA)доктор Reinhold Festge үг хэлнэ.

11:05-11:15               Эрдэс баялаг Эрчим хүчний яамны Уул уурхайн Хүнд Үйлдвэрийн Бодлогын Газрын дарга Б.Батхүү үг хэлнэ.

11:15-11:25               МҮХАҮТанхим болон Мюнхений олон улсын үзэсгэлэнгийн компани хамтын ажиллагааны санамж бичигт гарын үсэг зурах.

11:25-11:40               Асуулт хариултын цаг

11:45-13:30               Буфет