Зурвас бичих
Messenger
Залгах
- Barilga
- 2019-11-05
Барилга Экспо-2009 үзэсгэлэн амжилттай болж, шилдэгүүдээ тодруулав
“Мишээл экспо” үзэсгэлэнгийн төвд 2009 оны 8 сарын 21-25-ны хооронд “Барилга Экспо-2009” олон улсын барилгын үзэсгэлэн яармаг амжилттай зохион байгуулагдаж өнгөрлөө.
Үзэсгэлэнд Монгол, Украйн, Хятад, ОХУ, Израйль, Солонгос зэрэг улсын төлөөлөл болсон 120 гаруй аж ахуйн нэгжүүд оролцсон бөгөөд үзэсгэлэн үргэлжлэн явагдсан 5 өдрийн хугацаанд өөрийн шинэ орон сууц, шинэ дэвшилтэт барилгын материал, амины сууц, тоног төхөөрөмжөө сурталчиллаа.
“Барилга Экспо-2009” үзэсгэлэнгийн хаалтын үйл ажиллагаа “Баянгол” ресторанд болж, өөрийн бүтээгдэхүүнүүдээ дэлгэн тавьж сурталчилсан шилдэг байгууллагуудыг тодрууллаа. Ингээд дараахь нэр бүхий байгууллагууд үзэсгэлэнгийн шилдэгүүдээр тодорсон юм. Үүнд:
- Шилдэг орон сууц – “Өнөр” хотхон, Номин констракшн ХХК
- Шинэ шинэ технологи, оновчтой шийдэл – “Ус сайжруулах Р.Т.Н төхөөрөмж”, Тот ком сервис ХХК
- Шилдэг үйлдвэрлэгч – “ММ констракшн” ХХК, MNS4629-98 стандартын хөөсөнцөр
- Хэрэглэгчдийн таашаалд нийцсэн бүтээгдэхүүн – “NGN, F-Zone, Зууны лавлах-1109, Кабелийн телевиз, Интернэт үйлчилгээ, олон улсын ярианы карт”, Монголын цахилгаан холбоо ХК
- Шилдэг импортлогч – “Аквапласт Монгол” ХХК, Index – Хавтгай ба босоо дээврийн шинэ үеийн технологи
- Шилдэг оролцогч, брэнд маркетер – “Могул таун” орон сууцны хотхон
- Шилдэг барилгын байгууллага – “Гандирс” ХХК
- Шилдэгийн шилдэг, Гранпри – “Эрэл групп” ХХК
зэрэг байгууллагууд шалгарлаа.
Эдгээрээс гадна, “Блюстарлит” ХХК-ийн гипсэн блок, “Саруул Орд” ХХК-ийн гражтай зөөврийн сууц, “Мон цахилгаан утас” ХХК-ийн цахилгааны утас, “Ибого” ХХК-ийн толин зурагт, “Наран рашаан” ХХК-ийн хийн түлшээр ажилладаг дулааны узель зэргийн сонирхол татахуйц олон шинэлэг зүйлс байлаа.
Үзэсгэлэнд оролцсон нийт байгууллагууд, хүрэлцэн ирж сонирхсон хүмүүст цаашдын ажил үйлсэд ирмүүн амжилтыг хүсье.
Барилга.мн