АНУ-ын Худалдаа хөгжлийн агентлагаас Монгол Улсын цементийн үйлдвэрлэлийг дэмжих зорилгоор 250.000 долларын буцалтгүй тусламж үзүүлж байна. Дээрх хөрөнгөөр дотоодын хэрэгцээг бүрэн хангахуйц үйлдвэр барих төслийн судалгаа, үнэлгээний ажлыг хийхээр төлөвлөжээ.

 

Буцалтгүй тусламжийг “Ялгуун Интернейшнл” компанид хүлээлгэн өгөх ёслол АНУ-ын ЭСЯ-нд болсон. Америкийн Засгийн газрыг төлөөлөн АНУ-аас Монгол Улсад суугаа Элчин сайд Марк Минтон, Монголын талаас “Ялгуун Интернейшнл” компанийн ерөнхий захирал З.Нацагдорж нар холбогдох баримтыг үзэглэв.

 

Сүүлийн жилүүдэд Монголын барилгын салбар эрчимтэй хөгжиж байгаа ч цементийн хэрэгцээнийхээ 90 орчим хувийг импортоор авдаг. Дотоодын хэрэгцээг бүрэн хангахуйц, жилдээ нэг сая орчим тонн цемент гаргах хүчин чадалтай үйлдвэр байгуулах дээрх төслийн техник, эдийн засгийн үндэслэлийг боловсруулах тал дээр “Ялгуун Интернейшнл” нь Америкийн FLSmidth компанитай хамтран ажиллахаар болжээ. Цемент боловсруулах тоног төхөөрөмж ханган нийлүүлэгч тус компани нь төслийн хүрээнд хөрөнгө, мөнгөний туслалцаа нэмж үзүүлэх юм байна.

 

Өнөөдөр