Москвад сарын дотор шинэ орон сууцны үнэ буурчээ
Barilga
2019-11-05
“Миэль” хэмээх судалгааны албаны мэдээлж буйгаар 2009 оны 6 сарын байдлаар Москвагийн орон сууцны зах зээлд борлуулж байгаа шинэ орон сууцны тоо хэмжээ 0.4 хувиар буурчээ. Харин энэ хугацаанд 3-хан шинэ орон сууц захиалга авч эхэлсэн байна.
Захиалга авч байгаа орон сууцны ихэнхи нь Москвагийн төвөөс 25 км-ийн радиуст /орон сууцнуудын 81.3% нь/, эдгээрээс 25.4% нь 5 км-ийн радиуст байгаа аж.
Москва орчимд шинээр ашиглалтанд орсон орон сууцны захиалга оны эхнээс 22-27 хувиар өссөн байхад шинээр барьж эхэлж байгаа орон сууцнуудынх 42-с 31 хувь болтлоо буурсан байна.
Өнгөрөгч сард Москва мужид баригдаж буй шинэ орон сууцнуудын үнийн өөрчлөлт 1.6 хувьтай байсан бол байрны захиалгын дундаж үнэ нь м2 тутамд 66,5 мян рубль (2,14 мян $) байжээ. Энэ оны эхнээс орон сууцны м2-ны үнэ 4.6 хувиар буурсан дүнтэй байна гэж "Миэль"-ийн судалгаанд дурьджээ.
Barilga.mn, sob.ru