ЗТБХБЯ, Барилга.МН, МҮХАҮТ-ын барилгын зөвлөл, МБИХ хамтран зохион байгуулж байгаа “Барилга Экспо-2009” Олон улсын барилгын үзэсгэлэн яармаг нь 2009 оны 08-р сарын 21-нээс 25-ны өдрүүдэд Мишээл Экспо Төвд болно. Жил бүрийн намар барилгачдын баярыг тохиолдуулан барилгын үзэсгэлэн яармаг болдог. 2008 оноос олон улсын хэмжээнд зохион байгуулж эхэлсэн.

Дэлхийн дэвшилтэт шинэ техник технологи, шилдэг бүтээгдэхүүнийг Монголын барилгын салбарт нэвтрүүлэх, олон нийтэд таниулах, Чанар Стандартын шаардлагад нийцсэн, орчин цагийн загвар бүхий орон сууц барих, барилгын салбарыг дэлхийн стандартын түвшинд хүргэхэд “БАРИЛГА ЭКСПО 2009” Олон улсын үзэсгэлэн яармаг ихээхэн ач холбогдолтой. 

“БАРИЛГА ЭКСПО 2009” Олон улсын үзэсгэлэн яармагт 10 гаруй орны оролцогчид оролцохоор болоод байна. ОХУ, Хятад, Солонгос, Япон, Тайвань, Герман, Украйн, Турк, Чех, Польш зэрэг улсуудаас ирж оролцоно. Мөн Солонгос, Америкаас болон Африк тивээс үзэсгэлэн яармагын үйл ажиллагааг ирж үзэхээр гадаадын төлөөлөгчид мэдүүлгээ өгөөд байна.

Мөн Монголын барилгын салбарын шилдэг компаниуд оролцоно. Үйл ажиллагаа нь тогтворжсон, Хямралын энэ үед үйл ажиллагаагаа хэвийн явуулж чадаж байгаа компаниуд оролцоно.

 

Байгаа. Барилгын салбарын бизнес эрхлэгчид “БАРИЛГА ЭКСПО 2009” үзэсгэлэнд яармагт оролцсоноор богино хугацаанд олон бизнесийн түншүүдтэй уулзаж, холбоо тогтоож, үйл ажиллагаа өргөжүүлэх, борлуулалтаа нэмэгдүүлэх бүрэн боломжтой.

Намрын үзэсгэлэн яармагийг 5 хоногийн хугацаанд нийтдээ 40 орчим мянган хүн ирж сонирхдог. Энэ үеэр маш их худалдан авалт, захиалга маш их хийгддэг. Ноднин үзэсгэлэн яармагын шинэ орон сууц борлуулж байсан компаниуд дундажаар 4-5 байр борлуулсан.

Монголчууд зуны дэлгэр цагт наадамлаж, амарч байгаад сургууль, цэцэрлэг орохоос өмнө орон байраа янзлах, орон сууц худалдан авах ажиллагаа маш их нэмэгддэг. Халаалтаас өмнө, өвлөөс өмнө урсгал засвар, сантехникийн ажлуудаа хийж дуусгах шаардлагатай байдаг. Энэ үеэр эрэлт хэрэгцээ маш ихээр нэмэгддэг бөгөөд хүмүүс үзэсгэлэн яармагаас, нэг дороос өөрсдийн сонголтыг хийх бүрэн боломжтой.

“БАРИЛГА ЭКСПО 2009” үзэсгэлэнд яармагын дэлгэрэнгүй мэдээллийг www.barilga.mn болон expo.barilga.mn вебсайтуудаас үзэж, үзэсгэлэнгийн павилионы зургаас сонголтоо хийж, гэрээгээ байгуулаад оролцох боломжтой. Мөн Баруун 4 зам дахь Барилга.МН БЗМТөв дээр ирж болно. Утсаар холбогдож дэлгэрэнгүй мэдээлэл авахыг хүсвэл 70113333, 88008088, 77113333, 88084707 зэрэг утсаар холбогдож болно. Цөөхөн павилион үлдсэн байгаа оролцохыг хүсвэл яараарай.

 

Барилга амины орон сууц барих болон шинэ орон сууц сонгох зөвлөгөө сургалт, дэлхийн шилдэг техник технологийн сургалт семинар, оролцогч байгууллагуудын сонирхолтой үзүүлбэр семинар, бизнес эрхлэгчдийн уулзалт болно. Мөн барилгын материал болон ШОС-ны дуудлага худалдаа явагдана.

Шинэ барилгын материал, шилдэг техник технологитой танилцаж, орчин үеийн загвар бүхий шинэхэн орон сууцнуудаа худалдан аваарай. 

 

Орон сууцнуудын үнэ ноднингийн мөн үеэс дундажаар 20-30 орчим %-аар буурсан.

Шинэ орон сууцны борлуулалт ноднингийн 10 сараас 6 сарыг хүртэл нилээд зогсонги байдалтай байсан. Зарим компаниуд ноднин намрын барилгын үзэсгэлэн дээр хамгийн суулчийн борлуулалтаа хийсэн гэж байсан. Харин сүүлийн үед орон сууц худалдан авах хэмжээ нэмэгдэх хандлагатай байна. Зарим улс төрчид, эдийн засагчид орон сууцны үнэ буурна гэж их ярьдаг. Хүмүүс ч их хүлээсэн. Зарим нь үнэ буурахыг хүлээсээр залхаж эхэлж байх шиг байна. Монгол банкны мэдээгээр иргэдийн хадгаламж ноднингийнхоосоо нилээд нэмэгдсэн гэж байсан, тэгэхээр худалдан авах сонирхолтой хүлээж байгаа мөнгөтэй хүмүүс нилээд байгаа.

Дэлхийн эдийн засгийн байдал сэргэж, нефть зэс зэрэг түүхий эдийн үнэ нэмэгдэж байна. Энэ жилийн хувьд барилга орон сууцны үнэ хамгийн хямд байх боломжтой үе.

 

Дараа жилээс түүхий эдүүдийн үнэ нэмэгдсэнээр барилгын өртөг нэмэгдэнэ. Мөн ипотектэй холбоотой хуулиуд батлагдсанаар орон сууцны зээл олголт нэмэгдэж, хүү нь буурсанаар орон сууцны эрэлт нэмэгдэнэ. Иймд цаашид буурахгүй гэж бодож байна.

Мэдээж хотын төвийн үнэтэй газар дээр, өөрсдийн хөрөнгөөр бүх дэд бүтцээ тавьж байгаа тохиолдолд үнэтэй баригдана. Барилга барих бичиг баримт бүрдүүлэхээс эхлээд Улсын комисст хүлээлгэж өгөх хүртэл 150 албан тушаалтаныг дамжин гарын үсэг цуглуулж, маш их хүнд сурталыг давах шаардлагатай байдаг. Үүнд дундажаар 2 жилийн хугацаа зарцуулж байна. Эдгээр хүнд сурталыг давахад бас л мөнгө хэрэгтэй.

Харин ЗГ-аас бүх дэд бүтцийг нь шийдэж, газрыг нь үнэгүй олгож байгаа хотын захын дүүрэг дэх орон сууцны хорооллууд хямд босох боломжтой. Нисэх, яармаг, Баянзүрхийн товчооны цаана зэрэг газруудад. Харин тэр цаасан дээр байгаа хорооллууд нь хэзээ баригдах нь тодорхой бус байна. Тэгээд ч хотын захын дүүргийн орон сууцнууд одоо ч хамгийн хямд байгаа.