Төрийн албанаас “Журам батлах тухай” УИХ-ын 2003 оны 13 дугаар тогтоолоор баталсан “Төрийн жинхэнэ албаны удирдах албан тушаалд томилогдох ажилтныг сонгон шалгаруулах журам”-ын 17 дугаар зүйлийг үндэслэн дөрвөн агентлагийн даргад томилох ажилтны сонгон шалгаруулалтыг зарлажээ.

 

Сонгон шалгаруулалтыг энэ сарын 18-19-ний өдрүүдэд зохион байгуулах аж. Энэ удаагийн сонгон шалгаруулалтаар Засгийн газрын тохируулагч агентлаг Стандартчилал, хэмжил зүйн газрын дарга, Засгийн газрын хэрэгжүүлэгч агентлаг Улсын бүртгэлийн ерөнхий газрын дарга, Засгийн газрын хэрэгжүүлэгч агентлаг Шударга өрсөлдөөн, хэрэглэгчийн төлөө газрын дарга, Засгийн газрын хэрэгжүүлэгч агентлаг Газрын харилцаа, барилга, геодези, зураг зүйн газрын даргын албан тушаалд томилох ажилтныг тус тус сонгон шалгаруулах юм.

Монцамэ