Японы олон улсын хамтын ажиллагааны байгууллага болох Жайка өөрийн улсын Засгийн газрын зөвлөмжийн дагуу манай улсад нарны энергийг ашиглан байгаль орчинд ээлтэй цахилгаан үйлдвэрлэх судалгаа явуулахаар боллоо.

 

ЗТБХЯ хариуцан, Иргэний нисэхийн ерөнхий газар хэрэгжүүлэх юм. Байгуулагдах станцын нарны энергийг ашиглан үйлдвэрлэсэн цахилгаан эрчим хүчээр Чингис хааны олон улсын нисэх буудлын нислэгийн хөдөлгөөний удирдлагын үйлчилгээний байгууламжуудыг найдвартай эрчим хүчээр тасралтгүй хангах боломжтой болох юм.

 

Нарны эрчим хүчийг ашиглан үйлдвэрлэсэн цахилгаан эрчим хүчээр «Чингис хаан» олон улсын нисэх буудлыг хангаж эхэлснээр «Ногоон нисэх буудал» болох эхлэл тавигдаж байгаа ажээ. Манай орны хувьд жилийн 365 хоногийн ихэнх нь цэлмэг, нартай байдаг учир нарнаас цахилгаан эрчим хүч гаргаж авах бүрэн боломжтой юм.

 

Монцамэ