Дэлхийн улс орнуудын засгийн газар эдийн засагт ихээхэн хөрөнгө оруулсан нь хоёр дахь "Их уналт" болохоос зайлсхийхэд тусалсан бөгөөд гэхдээ байдал бүрэн хэвийн болоход наад зах нь бас хоёр жил шаардагдана. Нобелийн эдийн засгийн шагналт Пол Кругман энд болж байгаа үнэт цаасны зах зээлийн асуудлаархи бага хурал дээр ингэж мэдэгдэв.

 

"Хэцүү үе нэгэнт ард хоцорч", дэлхийд эдийн засаг, экспорт өсч эхэлсэн нь байдал харьцангуй тогтворжиж байгаа дохио юм гэж тэр хэлжээ. Гэхдээ засгийн газруудын зардал тогтвортой байсангүй, түүнчлэн ажилгүйдэл ихсэж байгаа нь илүү богино хугацаанд хямралын сөрөг үр дагаврыг арилгах боломж олгохгүй гэж Кругман тэмдэглэсэн байна.   

 

"Бид "Их уналт" дахин давтагдахаас зайлсхийж чадлаа", гэхдээ эдийн засаг хоёр жилийн дараа л бүрэн эрүүлжих юмуу тэр ч байтугай нэлээд их хугацаа шаардана" гэж Нобелийн шагналт онцлон тэмдэглээд, ингэхдээ Азийн орнууд үйлдвэрлэлийн экспорт сэргэх хурдац түргэн байгаагаас болоод Америк, Европыг бодвол хямралаас түргэн гарч чадна гэж дурджээ.

 

Дэлхийн санхүүгийн системд гүн гүнзгий шинэтгэх хийж, тухайлбал хямрал дахин давтагдахаас зайлсхийхийн тулд санхүүгийн байгууллагуудын үйл ажиллагаанд улам хатуу хяналт тавих шаардлага бий болоод байна гэж Кругман бас хэлжээ . Гэхдээ эдийн засгийн хувьд хамгийн их хөгжилтэй орнуудын удирдагчдад улс төрийн хүсэл зориг байхгүйгээс болоод энэ боломж алдагдаж болох юм гэж тэр үзэж байна.

 

Пол Кругман худалдааны загвар, эдийн газрын газар зүйн асуудалд дүн шинжилгээ хийснээр 2008 онд эдийн засгийн салбарт Нобелийн шагнал хүртсэн юм.   

Монцамэ