Байгаль орчны яамны харьяа “Аялал жуулчлалын үндэсний төв”-д Авто тээврийн газрын Б байр болох “Дисковери Монголиа” цогцолборыг шилжүүлэн өгөх тухай Төрийн өмчийн хорооны шийдвэр гарсан. Авто тээврийн газрын байр суурийг бид өмнө нь мэдээлж байсан. Харин энэ удаа “Аялал жуулчлалын үндэсний төв”-ийн гүйцэтгэх захирал Г.Пүрэвсүрэнгээс зарим зүйлийг тодрууллаа.

 

-Энэ байртай холбоотой асуудал саяхнаас эхэлж байгаа юм биш. УИХ-ын тогтоолын дагуу манай төвийг байгуулахаар болж яамдын санал хураасан. Энэ санал хураалтаар дээрх байрыг манайд шижүүлэхэд татгалзсан хүн гараагүй. Зам, тээвэр, барилга хот байгуу­лалтын сайд ч байсан. Ин­гээд сайд нарын саналаар дэмжигдээд өнгөрсөн тав­дугаар сарын 20-ны өдөр “Аялал жуулчлалын үндэс­ний төв”-ийг байгуулж, “Дис­ковери Монголиа”-гийн байрыг шилжүүлэх тухай Төрийн өмчийн хороонд даалгасан тогтоол гарсан. Энэ тогтоолд үндэслэн 40 хоногийн дараа Төрийн өмчийн хорооны 253 дугаар тогтоол гарсан. Тогтоолын гуравдугаар заалтад “Авто тээврийн газрын барилгын өргөтгөл “Дисковери Мон­голиа” цогцолборыг “Аялал жуулчлалын үндэсний төв”-д шилжүүлсүгэй” гэж заасан байгаа. Үүнээс харахад төр өмчөө мэдээд буцааж авч байна. Тогтоолыг хэрэгжүү­лэх зорилгоор Авто тээврийн газарт Төрийн өмчийн хороо­ноос албан бичиг хүргүүлж ажлын хэсэгт ажиллах хү­мүү­сийн нэр, албан тушаа­лыг ирүүлэхийг хүссэн. Гэвч байр хүлээлгэн өгөх тал ажлын хэсэгт томилогдон ажиллах хүмүүсийн нэрийг өгөөгүй. Тэд Засгийн газрын хуралдаанаар энэ асуудлыг дахин оруулна, тогтоолын хоёрдугаар заалтыг хүчингүй болгоно гэж хэлдэг.

Бид хууль дүрмийн дагуу явсан. Засгийн газрын хурлаар ороод яамдын саналыг авсан.

 

-Энэ бол тухайн хү­мүүсийн асуудал. Миний хувьд “Аялал жуулчлалын үндэсний төв”-ийн хөрөнгийг шилжүүлж ав гэсэн тог­тоолын дагуу ажиллаж байна. Урьд нь тус барилгыг аялал жуулчлалын зориулалттай төрийн бус байгууллагууд түрээслэж үйл ажиллагаагаа явуулдаг байсан юм билээ. Хөрөнгө мөнгө зарж сервер байрлуулсан гэж ярьж бай­сан. Тэр хөдлөхгүй зүйл биш шүү дээ. Үйлдвэрийн том суурь машин биш учраас өөр газар байрлуулах боломж­той. Хөрөнгө мөнгө их зарсан гэж ярьж байгаа ч хэдэн ширхэг компьютер аваад тавьчихсан байна лээ. Замын цагдаагийн бүртгэл мэдээллийн хэлтэс ч тэнд очоогүй л байгаа. Жил гаруйн өмнө түрээслэгч байгуул­лагуу­даа гаргаад хаалга нь цоожтой л байдаг байсан. Засгийн газрын тогтоол гар­магц л тэд хэдэн компьютер авчирч тавиад ажил хийлээ гэж ярьж байна.

 

Нийгмийн толь