Дэлхий нийтийг хамраад байгаа эдийн засгийн хямрал барилгын салбарт хүчтэй нөлөөлж, улсын хэмжээнд 412 барилгын үйл ажиллагаа зогсонги байдалд орж, 50 гаруй мянган барилгачид ажилгүй болоод байгаа. Иймд барилгын салбарын мэргэжилтнүүд тулгамдаад байгаа асуудлаар өнгөрсөн долоо хоногт журам боловсруулж, баригдаж дуусаагүй барилгуудын зээл, хүүгийн эргэн төлөлтийг түр хугацаагаар хойшлуулж өгөх, мөн баригдсан барилгыг нь эдийн засгийн эргэлтэд оруулах, түүнд шаардагдах хөрөнгийн эх үүсвэр бий болгох зэрэг хүсэлтийг Засгийн газарт хүргүүлээд долоо хоногийн хугацаа өнгөрч байна.

 

Мөн Зам тээвэр, барилга хот байгуулалтын яамнаас барилгын салбарыг дэмжих зорилгоор 6-10 тэрбум ам.долларын төсөл санаачилж, Засгийн газрын хуралдаанаар хэлэлцүүлсэн ч одоог хүртэл бүрэн шийвэрлэгдээгүй удсаар байгаа юм. Энэ талаар Барилгачдын холбооны мэргэжилтнүүдээс тодруулхад “Бидний Засгийн газарт хүргүүлсэн хүсэлтийн хариу шийдэгдээгүй. Одоогоор ямар ч хариу алга байна. Бид бүхэн барилгын салбараа авч үлдэхийн тулд бүхий л арга хэрэглэнэ. Олон мянган иргэн ажилгүйчүүдийн эгнээнд шилжиж, ядуурал улам газар авах болно” гэв.

 

Нийгмийн толь