Монголын барилгын инженерүүдийн холбоо нь “Барилгын мэргэжлийн англи хэлний тэмцээнийг” ШУТИС-ийн Барилгын инженерийн сургуулийн оюутнуудын дунд 2008 оны 4-р сарын 21- 28-ний өдрүүдэд 2 үе шаттайгаар зохион байгуулж дүнгээ гаргалаа.

МУ-ын Засгийн газраас англи хэлийг албан ёсны хоёр дахь хэл болгон зарлаж, үндэсний хөтөлбөрүүдийг хэрэгжүүлж байгаатай холбогдуулан БИХ анх удаагаа энэхүү тэмцээнийг зохион байгуулж байгаа бөгөөд нийт 64 оюутан оролцож дүрмийн тест бөглүүлэх, англи монгол, монгол англи орчуулга, ярих, сонсох, бичих чадвар, дүрмийн мэдлэгийг нь олон төрлийн шалгуураар шалгаж дүгнэжээ.

Тэмцээний шүүгчдээр МБИХ-ны ерөнхийлөгч доктор Э.Ганзориг, ЭМЯ-ны ЭМСХ-2 төслийн зохицуулагч К.Мурат, ШУТИС-БИС-ийн багш доктор Р.Хишгээ, М.Сугар, БХБНААҮТ-ийн судлагааны хэлтсийн мэргэжилтэн А.Алимаа, ШУТИС-ийн Хэлний Боловсролын Сургуулийн багш Mathew, П.Бямбажав нарын бүрэлдэхүүнтэйгээр ажиллалаа. Тэмцээнийг 36,97 оноогоор AA.R02D111 оюутны кодтой Б.Батхолбоо тэргүүлж 150000 төгрөг, өргөмжлөлийн хамт, удаах байрыг 36,08 оноогоор A.RT00D133 оюутны кодтой Б.Чимэдрэгзэн 100000 төгрөг, өргөмжлөлийн хамт, 3-р байрыг 32,99 оноогоор ASC04D256 оюутны кодтой Н.Цэрэнгомбо, 32,74 оноогоор A.SC06D750 оюутны кодтой С.Батзаяа, 32,51 оноогоор A.SC05D027 оюутны кодтой Г.Цэрэнжаргал нар эзэлж тус бүр 50000 төгрөг, өргөмжлөлийн хамт гардан авлаа.