Сууцны давхар дундын хучилт

Сууцны давхар дундын хучилт болон шалны ердийн хэлбэр нь дам нуруу, хөндлөвч, тэдгээрийг бүрсэн бүрээс бүхий хучилтан байгууламж юм. Давхар дундын /заримдаа давхар хоорондын ч гэж ярьдаг/ хучилт болон шалыг хийхэд дараах шаардлагыг харгалзах ёстой:                                                        

- Өөрийн үүрэх даацыг /тавилга, хана, хүний алхаа болон бусад хөдөлгөөнөөс үүсэх даралт/ хангалттай хангаж байх чанар
- Чимээ дамжуулахгүй байх чанар
- Чийг дамжуулахгүй байх чанар
- Дулаан алдахгүй байх чанар
- Хөдөлгөөнгүй байх чанар

Манай нөхцөлд хамгийн түгээмэл болох мод-төмөр, дан модон давхар дундын хучилт болон шалны хийцийн талаар өгүүлье. Шалны хучилт гэдэг ойлголтын дор бид подволгүй сууцны эхний давхрын шалны хучилтыг хэлж байгаа юм. Шалны хучилт болон хамгийн дээд давхрын хучилтыг хийхдээ улирлын өөрчлөлтөөс үүсэх температурын өөрч-лөлт, гаднах усжилт, чийгшилтийг хар-галзан үзэх хэрэгтэй. Учир нь тодорхой чийгшилттэй болон ууршилттай нөхцөлд температурын бууралтаас болж уурын конденсац явагдаж модон хийцэд гажилт өгөхөөр барахгүй, цаашлаад сууцны дотоод дулаан, чийгшилт, агаарын солилцоонд сөргөөр нөлөөлдөг талтай. Иймд шалны доор агаарын солилцоо явагдаж байхаар төлөвлөж хийх хэрэгтэй. Суурийн дотор талын хөрсийг ургамал, хогноос нь салган, дагтаршуулах шаардлагатай. Хөндлөвчүүдийн дороос суурь, тоосгон тулгуураар /2-3 үе тоосгон өрлөг/ тулснаар шалны хучилтыг савлах, доргих хөдөлгөөнгүй болгож өгнө. Хөрсийг хангалттай дагтаршуулсан, эсвэл сайн чанарын хөрстэй бол цемент зуурмаг цутгаж, дээр нь шалаа угсарч болдог.

Шалны хучилт/Зөвлөгөө/
Шалны доор  агаарын солилцоо явагдаж байхаар төлөвлөж хийх хэрэгтэй. Суурийн дотор талын хөрсийг ургамал, хогноос нь салган, дагтаршуулах шаардлагатай.
Дан хөндлөвч нурууг модоор хийх тохиолдолд тоосгон хана руу орсон, дамнасан хэсгийг хар цаас эсвэл битумээр бүрж өгснөөр модон хийцийг өмхрөх муудахаас хамгаалдаг.

Зургийн тайлбар: 1. 2. 3.

-Шал                   -Шал                      -Шал

-Хучилт               -Хучилт                 -Чийг тусгаарлагч

-Чийг                   -Чийг                     -Дуу чимээ

тусгаарлагч         тусгаарлагч           тусгаарлагч

-Таазны             -Дуу чимээ            -Өнгөлгөө

 өнгөлгөө             тусгаарлагч

-Тааз                   -Хучлага               -Таазны өнгөлгөө

Давхар дундын хучилтын гол даацын дам нурууг ханын хийцийн материалаас хамаарч төмөр бетон, төмөр, модоор хийдэг. Бетон, тоосгон хананд төмөр бетон, төмөр, модон гол даацын нуруу тохиромжтой, харин модон хананд төмөр, модон дам нуруу тохирно. Давхар дундын хучилтыг хийх явцад дам нуруу нь даацыг авах чадварыг хангахгүй тохиолдолд дороос тулах хэлбэрээр уулзвар болон бусад шаардлагатай хэсэгт тулгуур баганыг хийж өгөх хэрэгтэй. Эхний давхарын шалны хучилт, давхар дундын хучилтын дулаалгыг хийхдээ керамзит, шлак, шилэн хөвөн зэрэг дулаалгын материал, чийгшилтээс хамгаалсан плёнкийг дуу чимээ, чийгшилт, дулаалгын материал байдлаар ашиглаарай. Дам нуруу нь хангалттай даац авах чадвартай хийгдэх ёстой. Дам нуруу хоорондын зай Зм -ээс ихгүй байвал тохиромжтой.