Өрөө тасалгааны температур, чийгшлийн нөхцлийг стандартад зааж баталгаажуулдаг. Судалгааны дүнгээс харахад монголчууд харыдангуйгаар сэрүүн орчинд амьдрахыг илүүд үздэг байна. Хэмжилт хийсэн 23 сууцны дундаж температур 17°, агаарын чийгшил 35% байна.
 Нүүдэлчин монголчууд байнгын галлагаа хэрэглэдэггүй хоол хүнс, хувцас хунараа тохируулж хэрэглэдэг  байжээ.
Байр, сууцыг дулаацуулах эрчим хүчний эх үүсвэрийг бид зөвхөн галлагаа гэж ойлгодог. Тэгвэл одоогийн ашиглаж байгаа ердийн монгол гэрт дулааны 74%, хувийн сууцуудад 65%-ийг нь л галлагаагаар хангадаг аж. Хэрэв дулааны эх үүсвэрийг нарийвчлан авч үзвэл өнөөгийн нөхцөлд дараах байдалтай байна.

Эхний зурган дээрээс харахад оршин суугчдын өөрсдөөс нь ялгаран гарах дулаан сууц, гэрийн дулааны тавны нэгийг эзэлж байна.
Олон хүн цугласан өрөө тасалгаа галлаагүй байхад ч дулаацдагийг бид мэднэ шүү дээ. Судлаачдын тогтоосноор насанд хүрсэн хүнээс 120Вт, хүүхдээс 90 Вт энөрги ялгардаг байна. Манайхан өвлийн улиралд хоногийн цагийн 50%-ийг гэртээ өнгөрөөдөг тул чамгүй их хэмжээний энергийг ялгаруулна гэсэн үг.

Дулааны бас нэг том эх үүсвэр бол гэрт ашиглаж буй цахилгаан хэрэгслүүд юм. Зөвхөн плитка төдийгүй зурагт (1.0Вт), хөгжим(0.14 Вт), хөргөгч (1.4-2.9 Вт), хөлдөөгч (1.8-0.92 Вт) бүгд л дулаан ялгаруулна.
Мөн цонхоор тусах нарны гэрэл өдрийн цагт сууцны дулааны 10%, гэрийн дулааны 5%-ийг гаргаж байгааг дээрх диаграммаас харж болно. Цонхыг нар хамгийн олон цаг тусах чиглэлд байрлуулах, хэмжээг нь томруулах, дулаалгыг нь сайжруулах замаар түүний хэмжээг нэмэгдүүлж болно.
Дулаалгыг стандартын хэмжээнд хүргэн хийсэн сууцанд нэмэлт галлагаа шаардахгүйгээр эрчим хүчний эдгээр эх үүсвэрүүдээр дулааныхаа хэрэгцээг хангах боломж байгааг гадаадын олон орны туршлага харуулж байна.
 Дараахи графикт орон байраа дулаалснаар галлагаагаар хангах дулааны хэмжээг монгол гэрт 28%, хувийн сууцуудад хүртэл бууруулах боломжтой байна.