Энэ нь Улаанбаатар хот үүсэн байгуулагдсаны 370 жилийг ойг угтаж хийж буй бүтээлч ажлын нэг бөгөөд газрын харилцааны бүхий л мэдээллийг онлайнаар авах боломжийг бүрдүүлж байгаа аж. www.gazar.ub.gov.mn, www.cityland.mn хаягаар орж, хүссэн мэдээллээ авч болох бөгөөд газар эзэмших гэрчилгээний дугаараа хийхэд л хангалттай юм байна. Ингэснээр газар эзэмших эрхээ банкны барьцаанд байгаа эсэх, төлбөр, зориулалт, талбайн хэмжээ зэрэг хүссэн мэдээллээ авч болно. Мөн тус хөтөлбөрийн хүрээнд газрын дуудлага худалдааг онлайнаар явуулах нөхцөл бүрдэж байна. Үүнээс гадна Улаанбаатар хотын замналын системийг боловсруулаад байгаа аж. Энэ нь автомашинд суурилагдах ба очих газрын байршил, ямар замаар, хэдэн километр явах зэрэг мэдээлэл багтана. Тус системийг эхний ээлжинд түргэн тусламж, гал команд зэрэг газарт нэвтрүүлэх аж.