Өнгөрсөн жил Оросын их дээд сургуулийн 250 мянга гаруй оюутан барилгын отрядуудад ажиллав. Энэхүү ашигтай санаачилгыг улсаас дэмжинэ. Оюутны барилгын отрядуудыг төсвөөс санхүүжүүлж, барилгын буюу өөр төрлийн ажил хийх гэрээ байгуулж байна.

Оюутны анхны отряд байгуулах шийдвэрийг бүр 1958 онд гаргажээ. Москвагийн УИС-ийн оюутнууд тэр үед шинэ санал дэвшүүлэв. Нийслэлийн залуучуудын саналыг бусад бүс нутагт дэмжсэн. Оюутны отрядыг хаа сайгүй байгуулж эхэллээ. Бүх холбоотын оюутны отрядад 1959 оноос 1985 онд 13 сая орчим хүн ажилласан юм. Оюутнууд Байгал Амарын төмөр зам, Волжский автомашины завод, Норильскийн уул уурхайн комбинат гээд томоохон олон барилга байгууламж барихад оролцов.

Зөвлөлт засгийн үеийн хагас зуун жилийн тэртээх санаачилга өнөөгийн залуучуудын сонирхолыг татав. Тэр тусмаа улирлын хар ажил хийх хүмүүс одоо хэзээ хэзээнээс их шаардагдаж байна гэж Улсын Думын дэд дарга Светлана Журова тэмдэглээд, «Эдүүгээ залуучууд, оюутны отрядад нэгдэж ажиллахыг их сонирхож байна. Тэд Сочи хот, Красноярскийн хязгаарт ажиллаж Ленинградын АЦС барихад оролцсон юм. Оюутны барилгын отрядын бүх Оросын холбооны гишүүдтэй Улсын Думд уулзлаа. Залуучууд хямралтай тэмцэх арга хэмжээг оролцуулан барилгачин ба өөр мэргэжлийг өөрсдөд нь санал болгож ажиллуулахыг санал болгов. Тухайлбал зуны улиралд галт тэрэгний үйлчлэгч буюу зуны чийрэгжүүлэх зусланд сурган хүмүүжлэгчээр ажиллана. Залуучуудад олон төрлийн ажил санал болгож болно. Энэ нь барилгын отрядуудад нэгдсэн оюутнууд зөвхөн барилгын ажил хийхгүй гэсэн үг» гэлээ.

Барилгын отрядууд орчин цагийн Орост илүү их шаардагдаж байна гэж Светлана Журова үзэж байна. Олонхи залуус барилгын отрядад ажилласныхаа дараа илүү бие даах чанартай, арвин туршлагатай болсон. Зүгээр суухаас ажилласан нь дээр. Ажиллавал биеэ чийрэгжүүлж, мөнгө олж болно гэж дээрх хоёр оюутан хэллээ. Орост барилгын отрядын хөдөлгөөн их ирээдүйтэй. Залуучууд мөнгө олох төдийгүй, нэг ангийнхтайгаа хамт цагийг ашигтай өнгөрүүлж, хамтын хөдөлмөрт оролцож байна. Ажил сонгож авах үеэр залуучуудын ашиг сонирхлыг хамгаалж буй чухамхүү оюутны байгууллага, үйлдвэрчний эвлэл энэ ажлыг зохион байгуулж байгаа нь чухал юм. Харин ажиллахыг хэн ч албадахгүй. Оюутнууд барилгын отрядад ажиллахын оронд өөр ажил хийж, эсвэл зүгээр амарч ч болно.