Хот байгуулалтын ажлын хэсгийн ээлжит хуралдаан өнөөдөр ЗТБХБЯ-н дээр боллоо. Хуралдаанд ЗТБХБ-ын сайд Х.Баттулга, ХБНГУ-ын элчин сайд Пиус Фишер, Япон улсын тvр хамаарагч Сакае Варатани болон манай улсын холбогдох хvмvvс оролцов.

Япон Улсын Засгийн газрын техникийн тусламжийн хvрээнд 3,7 сая ам.долларын хөрөнгөөр Улаанбаатар хотын "Хот байгуулалтын ерөнхий төлөвлөгөө"-г шинэчлэх ажил амжилттай хэрэгжиж, эцсийн тайлангаа танилцуулаад Мөн бэлэн болсон зарим төслvvдийг донор орнуудын төлөөлөгчдөд танилцуулсан юм. Тухайлбал, хvн амыг орон сууцаар хангах "100000 айлын орон сууц" барих төсөл. Энэхvv төслийн хvрээнд нийслэл Улаанбаатар хотод 75 мянган айлын орон сууцыг, бvсийн тулгуур төв хотууд болон аймаг, орон нутагт 25 мянган айлын орон сууцыг барихаар төлөвлөж байгаа гэнэ.

Мөн Улаанбаатар хотод 350 км орчим авто замыг шинэчлэн, шинээр 210 км авто зам шинээр барьж, хотын томоохон уулзваруудыг хоёр тvвшинд огтлолцуулах, төмөр зам дээгvvр гvvрэн гарц барих ажлуудыг хийж гvйцэтгэхээр төлөвлөж байгааг салбарын сайд танилцуулж байлаа. байна.

Мөн тvvнчлэн ЖАЙКА байгууллагын шугамаар манай яамны холбогдох хvмvvс Япон Улсад туршлага судалж Япон, Монгол хоёр улсын хот төлөвлөлтийн системийн талаар санал солилцож хамтран ажиллах чиглэлээ тогтоосон. Монгол улсад хотыг дахин төлөвлөх, газрыг дахин зохион байгуулах чиглэлээр хууль эрх зvйн орчныг боловсронгуй болгох шаардлагатай байгаа бөгөөд энэ асуудлаар Японы талаас дараагийн төслийг хэрэгжvvлэхээр айлчлалын vед тохиолцсоныг тэмдэглэе хэмээн ЗТБХБ-ын сайд ярив