Зам Тээвэр Барилга Хот Байгуулалтын сайд Х.Баттулга, Нийслэлийн Засаг дарга бөгөөд Улаанбаатар хотын захирагч Г.Мөнхбаяр нар өчигдөр хамтран ажиллах санамж бичигт гарын үсэг зурлаа. Нийслэлд дэд бүтцийн салбарыг эрчимтэй хөгжүүлэхэд энэ хамтын ажиллагаа чухал болохыг тэд онцлон тэмдэглэв.

Мөн өдөр Азийн хөгжлийн банкны Зүүн Азийн газрын ерөнхий захирал Клаус Герхаузер, Монгол дахь суурин төлөөлөгч Рутин Берг нарын төлөөлөгчдийг ЗТБХБ-ын сайд Х.Баттулга хүлээн авч уулзлаа. Тус банкны зүгээс Монгол Улстай ойрын жилүүдэд хэрхэн хамтарч ажиллах, ямар төсөл хөтөлбөр хэрэгжүүлэх талаар ярилцав. Тус банк 2009-2010 онд Монгол болон Зүүн Азийн бүс нутагт 140 сая орчим ам.долларын төсөл хөтөлбөр хэрэгжүүлэхээр төлөвлөсөн байна. Өнгөрсөн жил АХБ-аас манай улсын дэд бүтцийн салбарт 70 сая ам.долларын хөрөнгө оруулалт хийсэн юм.

Mongolia Today