Бид гадаад орны гайхам сайхан хот зохион байгуулалт, интерьер дизайн , гэрэл чимэглэлийг видео дэлгэцнээ, фото зурагнаас л хардаг. Үнэндээ эх орон маань нийслэл хотын гудамж талбай хэзээ тийм зураг мэт сайхан болохыг хэлж мэдэхгүй.  

Тэгвэл хувь хүн бүр өөрийн амьдарч байгаа хашаа хороогоо, орон сууцныхаа гадаад талбайг засаж янзлаад, тохижуулаад байвал арай өөр өнгө төрх бүрэлдэх нь дамжиггүй.  “Ландшафт архитектур” гэдэг манайханд үгүйлэгдээд байгаа энэ л асуудлыг хэрэгжүүлэхийн төлөө оршдог. Тиймээс ч олон нийтэд ландшафтын талаар семинарыг Монголын Ландшафтын архитектурын холбоо зохион байгууллаа.  

 “Ландшафт архитектур” гэдэг газрын гадрага дээрх бүхий л төлөвлөлтийг хийнэ гэсэн утгатай үг. 1666 онд АНУ-ыг иргэн Олмостод гэдэг хүн гаргаж ирсэн гэдэг. Харин манай улсад энэ үг нэвтрээд төдий л удаагүй байна.  ХААИС -д 1999 оноос энэ чиглэлийн мэргэжилтэн бэлтгэх анги үүсчээ. Ерөнхийдөө аливаа төлөвлөлт, зохион байгуулалт гэдэг аятай таатай, зөв зохистой байхаас гадна хамгийн гол нь “хүн” гэдэг гол эзэн, хүчин зүйлээ гээгдүүлж болохгүй. Өнөөдөр зураг мэт тэр сайхан гадаад орны өнгө төрхийн цаана хүний аятай тавтай бүгдийг багтаасан байдаг бол манайхан бол эсрэгээрээ.Уул уурхайн компаниуд ашигласан газрынхаа нөхөн төлөлөлтийг эргээд  хийхгүй, баригдаж байгаа шинэ барилгууд нь гадаад тохижилтын талбай бараг байхгүй зэрэг нь бид гадаад тохижтолт гэдэг зүйлд хэр анхаарч ирсэнийг харуулна. Манай урд хөршийнхөн элсэн дээр ургамал ургуулж чадаж байгаа нь хичээх л юм бол юу ч бүтдэгийн нэг жишээ. Тиймээс манай иргэд жилийн дөрвөн улиралтай, эрс тэс уур амьсгалтай гэж бодохгүйгээр бүтээн байгуулалтыг, ногоон байгууламжийг зөв  хийвэл болохгүй зүйл үгүй гэж семинарын үеэр мэргэжилтэн зөвлөж байна лээ.     

 Семинарын хүрээнд  Ландшафтын холбооны дэд тэргүүн Д. Жигжидсүрэн иргэдтэй ландашафтын эргэн тойронд ийнхүү ярилцлаа. Тэрээр Монголд хөгжиж байгаа шинэ салбар болох ландшафтын архитектур, дизайн болон гадна тохижилтын иж бүрэн төлөвлөлт, гүйцэтгэл, хөрсний нөхөн сэргээлтийг хэрхэн хийж гүйцэтгэх талаар мөн яриа өрнүүлсэн. Чөлөөт цагаа өнгөрөөх амралтын хүрээлэн, сэтгэл тэнүүн алхах хотын гудамж, танай байгууллагын, танай гэрийн өнгө төрхийг илтгэх засал чимэглэлд гэрэл гэдэг ямар үүрэгтэй байдаг, байгалийн чулууг хэрхэн ашиглах, цэцгийг хэрхэн зохиомжилж болох уу гээд олон нарийн асуудал ландшафтын хүрээнд яригддаг байна. Ер нь манай өрх бүр Ландшафт архитектурыг гэр гэртээ хөгжүүлвэл нийслэлийнхээ өнгө төрхийг нэмэхэд бодит хандив болж  байна гэсэн үг. 

“Barilga Sale-2009”–ийн хүрээнд Монголын Ландшафтын архитектурын холбоо өөрийн үйл ажиллагаагаа ийнхүү олонд таниулж, хийж байгаа үйл ажиллагаанаасаа хуваалцсан юм.  

Семинарын үеэр хүрсэн зарим сонирхолтой фото зургийг хүргэж байна. Мөн Төв аймгийн Мөнгөнморьт сумын төвд  хийгдэхээр төлөвлөгдөж байгаа бүтээн байгуулалтыг ерөнхий төлөвлөгөө, цэцэрлэгжүүлэлтийн схезийг та бүхэнтэй доор хуваалцлаа.  Фото зураг таньд нэг сэдлийг төрүүлэх байх.