Байгаль орчин, аялал жуулчлалын яам, Ус цаг уурын эрдэм шинжилгээний хүрээлэн болон бусад байгууллагууд хамтран “Дэлхийн уур амьсгалын өөрчлөлтийн эсрэг тэмцэлд нэгдэцгээе! Таны тусламж эх дэлхийд тань хэрэгтэй байна" хөтөлбөрийн хүрээнд олон ажил зохион байгуулж байна. 

Энэ ажлын хvрээнд нийслэлийн иргэдийг маргааш ажилдаа явган ирж, оройн 22 цагаас ганцхан минут гэрэл болон цахилгаан хэрэгслээ унтраахыг уриалж байна. Уриалгад нэгдсэн хэн боловч эх дэлхийгээ хайрлах сэтгэл зүрхтэй, үүгээр нэгдэж чадаж байгаагаа илэрхийлэхийг зорьж байгаа явдал болно хэмээн өнөөдөр болсон хэвлэлийн бага хурлаар олон нийтэд уриаллаа.