Шуурхайн үүрэг даалгавраас гадна хийгдсэн гол ажлууд:

БАРИЛГЫН ЧАНАР, АЮУЛГҮЙ БАЙДЛЫН ЧИГЛЭЛЭЭР:

• 11 барилгад улсын комисс ажиллаж, 7 барилгад улсын бүртгэлийн дугаар олгосон
• У/к ажиллуулах хүсэлт гаргасан 18 барилгад урьдчилсан үзлэг, шалгалт хийсэн.
• 2008 онд ашиглалтанд орсон 206 барилгын жагсаалтыг гарган Төвийн вэб сайтад тавьсан.
• Улсын хэмжээнд байнгын ашилалтанд орсон барилга байгууламжийн судалгаа гаргах зорилгоор бүх аймгуудыг жилийн тайлан мэдээгээ 1-р сарын 27-ны дотор ирүүлэх талаар утсаар мэдэгдэж , тайлангийн маягтыг факсаар явуулсан. 2 аймгаас мэдээ ирээд байна.
• Үндэсний төв архивт 36 аж ахуйн нэгж, иргэний 767 хуудас материал, Төвийн архивт 36 ААН, иргэний 778 хуудас материал тушаав.
• Зүүн бүсийн орон сууц, нутагшил суурьшлын байгууллагын /EAROPH/ танилцуулгыг нийслэлийн болон 21 аймгийн Засаг дарга нарт хүргүүлэн ирэх X сард болох хурлын бэлтгэл ажил хийж байна.
• Үйл ажиллагаандаа зөрчил дутагдал гаргасан “Эрдкон”, ”Стройинвест” ХХК, ”Хуанлу Хуантан”ХХК, ”БЗХ”, “Очир төв”, ”Энх суурь” ХХК зэрэг компаниудыг “Тусгай тэмдэглэл”-д бүртгэж асуудлыг нь тусгай зөвшөөрлийн комиссын хурлаар хэлэлцүүлэхээр бэлдсэн
• Тусгай зөвшөөрөлтэй аж ахуйн нэгжийн 154 ИТА-ын мэдээлэл санд оруулсан
• Тусгай зөвшөөрөлтэй 102 байгууллага, аж ахуйн 2008 оны ажлын тайланг хүлээн авч мониторинг хийж байна.
• ЗТБХБЯ-ны ТЗУГ, Нийслэлийн татварын газар, Үндэсний статистикийн хороонд 2008 онд барилга угсралтын болон зураг төсөл боловсруулах, нийтийн аж ахуйн үйлчилгээний тусгай зөвшөөрөл авсан компаниудын жагсаалтыг хүргүүлсэн
• Иргэд, байгууллага, аж ахуйн нэгжийн хүсэлтээр салбарын холбоотой 24 мэдээлэлийг холбогдох албан тушаалтан, байгууллага, иргэдэд гарган өгч үйлчилсэн.
• Барилгын материалын үйлдвэрлэлийн хэмжээг аймаг тус бүрээр гаргахаар Аймгуудаас 2008 оны мэдээ тайлан авч байна. Одоогийн байдлаар 9 аймгаас мэдээ ирүүлээд байна.
• Барилгын материалын импортын мэдээг хилийн боомт тус бүрээр улирал тутам авахаар Улсын гаалийн ерөнхий газарт 2009.01.06-нд а/07 тоот албан бичгээр хүргүүлээд байна.
• Шинээр ашиглалтанд орсон 34 барилгын материалын үйлдвэрүүдийн мэдээллийг санд бүртгэх ажил хийгдсэн.
• 2009.01.02-2009.01.22-ний байдлаар улсын экспертиз хийлгэхээр нийт 36 зураг төсөл, материал, баримт бичиг хүлээн авч, холбогдох журам, зааврын дагуу шалган хүлээн авч 32 материалыг бичиг хэрэгт өгсөн ба шаардлага хангаагүй 3 объектийн зураг төслийг буцаасан
• 26 байгууллага аж ахуйн нэгжийн зураг төсөлд экспертүүд томилон гэрээ байгуулж, экспертиз хийлгэн дүгнэлт гаргуулсан, 28 обьектийн зураг төслийг баталгаажуулж, баталгаажиж гарсан 27 обьектод ерөнхий дүгнэлт бичсэн.

БАРИЛГА, БАРИЛГЫН МАТЕРИАЛЫН ЧИГЛЭЛЭЭР:

• 1. БМҮ эрхлэхтэй болон технологийн заавар боловсруулах, хянаж бүртгүүлэх асуудлаар Эрдэнэт хотын “Бугат цонхлон” ХХК-ны бетонон тоосго, Болор гэгээ ХХК хуванцар хаалга цонх, Зэндмэнэ орд ХХК цемент, Хаод ХХК ердийн тоосго, Ньюворм ХХК полистрол хавтан, Тор стар ком ХХК хөнгөн бетон, Батжин констракишн бетон зуурмаг , Сэлэнгэ аймгийн Шаамар сумын “Уран сэлэнгэ” ХХК-ийн тоосго, Алтан ауриг ХХК – бетон зуурмаг, “UNIQUE GERMIC” ХХК –ийн хөнгөн бетоны үйлдвэрлэлийн талаар мэргэжлийн зөвлөгөө заавраар хангасан .
• Өвөрхангай аймгийн Хаод ХХК-ийн ердийн тоосго үйлдвэрлэх технологийн зааврыг хянан баталж БМҮ-ХМ-127/09 –д бүртгэсэн.
• Барилгын материал, хийц, эдлэхүүний үйлдвэрлэлд тавигдах шаардлагын тухай албан бичгийг БМҮ-дийн удирдлагад өгөөд байна.
• Хөтөл цемент шохой ТӨХК –ийн ТУЗ-ын хурлаар Хөтөл тосгон, “Хөтөлийн цемент шохой” ТӨ ХК талаар авах зарим арга хэмжээний тухай Монгол Улсын Засгийн газрын тогтоолын төсөл, Хөтөл тосгонд үүсэж буй нөхцөл байдалтай холбогдуулан   ЗГ-ын хуралдааны шийдвэрийн төсөл зэргийг хэлэлцэн саналаа яаманд 2009.01.16-нд хүргүүлээд байна.
• 2009 оны 01 сарын 16-18 хооронд Монголын бетоны холбоо нийгэмлэгээс зохион байгуулсан “ Барилга угсралт болон бетоны үйлдвэрийн технологи” сэдэвт сургалтанд оролцож үүнд БМҮ-дыг хамруулсан.
• “Орон сууц, олон нийтийн барилгын шатны альбом” (Газар хөдлөлтгүй мужид) /В1.150.1.-1 Дэвтэр 1/, “Орон сууц, олон нийтийн барилгын шатны альбом” (Газар хөдлөлттэй мужид) /В1.150.1-2Г Дэвтэр 2/ альбомыг салбарын шинжлэх ухаан технологийн зөвлөлийн хурлаар хэлэлцүүлэн батлуулах ажлыг зохион байгуулж байна. Танилцуулга, шийдвэрийн төсөл зэрэг баримт бичгүүдийг ЗТБХБЯ-д хүргүүлсэн.
• “Хөдөлмөр хамгааллын заавар боловсруулах тухай журам”-ын төслийг боловсруулж байна.
• “Тусгай зөвшөөрөл эзэмшигчийн үйл ажиллагааны мэдээ тайлан гаргах болон салбарын бүртгэл мэдээний маягт”-ын төслийг шинэчлэн боловсруулж байна.
• “Барилгын салбарт хөдөлмөрийн аюулгүй ажиллагаа, эрүүл ахуйн нөхцлийг сайжруулах, үүрэг хариуцлагыг өндөржүүлэх” тухай сэдвээр мэдээлэл, анхааруулгыг Төвийн вэб сайт болон мэдээлэл сэтгүүлд тавихаар боловсруулж байна.

ХОТ БАЙГУУЛАЛТ, ЗУРАГ ТӨСЛИЙН ЧИГЛЭЛЭЭР:

• Хот байгуулалтын мэдээллийн санд хүн ам, нутаг дэвсгэрийн өгөгдлүүдийг оруулж, баяжилт хийгээд байна.
• “Зураг төсөл боловсруулах, зөвшөөрөлцөх, батлах дүрэм”-ийн Зураг төсөл зкохиогчдын холбооноос ирүүлсэн хувилбарт ЗТБХБЯ-наас ирүүлсэн чиглэлийн дагуу өөрчлөлт хийж дуусгав.
• Хот байгуулалтын тухай хууль шинэчлэн батлагдсантай холбогдуулан даган гарах дүрэм, журмыг боловсруулах ажлын хүрээнд “Хот байгуулалт, барилга захиалагчийн/үлгэрчилсэн/ дүрэм, “Аймаг нийслэлийн ерөнхий архитекторын дүрэм”, “Хот тосгоны жижүүрийн ерөнхий төлөвлөгөө хөтлөх үлгэрчилсэн заавар”, “Онцгой зохицуулалттай газар, нутаг дэвсгэрт хот байгуулалтын үйл ажиллагааг зохицуулах журам”-д ЗТБХБЯ-ны ХБГХБГ-аас ирүүлсэн саналын дагуу өөрчлөлт хийж байна.

НОРМ, НОРМАТИВЫН ЧИГЛЭЛЭЭР:

• “Суумтгай хөрстэй ба ашиглагдаж буй талбайд барилга байгууламж төлөвлөх” БНбД-ийн редакц, шүүмж дагуу засвар тодруулгыг хийх, холбогдох байгуулагуудаас ирсэн саналыг тусгаж, ЗТБХБЯ-д хүргүүлэхэд бэлэн болгов.
• Барилгын жинг хөнгөрүүлэх сүвэрхэг дүүргэгчтэй хөнгөн бетон хучилтын хавтангийн хагас үйлдвэрийн туршилт хийх ажлын техникийн даалгаврыг боловсруулж ЗТБХБЯ-д хүргүүлэхээр бэлэн болгов.
• Төмөр бетон бүтээц” БНбД-д нэмэлт өөрчлөлт оруулах техникийн даалгаврыг боловсруулан бэлэн болгов.
• “Барилгын үйлдвэрлэлийн зохион байгуулалт” /БНбД 12-01-03/-ийн нэмэлт өөрчлөлтөд байгууллагуудаас ирүүлсэн саналуудыг тусгаж дуусав.
• Норм, нормативын сангийн хөрөнгө төвлөрүүлэлтийн талаар холбогдох мэдээллийг гарган ЗТБХБЯ-нд хүргэсэн.
• 2009.01.09-ний өдөр Барилгын материал, хийц, эдлэлийг талбайд зөөх, зөөврийн нормын гүйцэтгэгч “Автозам прожект” ХХК-ийн ажлын байран дээр очиж ажлын явцтай танилцаж чиглэл өгч шаардлагатай материалыг төвийн техникийн кабинетаас авч өгсөн.
• ЗТБХБС-ын 2008 оны 53 дугаар тушаалаар батлагдсан Эскалатор болон лифтийг төхөөрөмжлөх, аюулгүй ашиглах дүрмүүдийг ХЗДХЯ-аас ирүүлсэн шийдвэрийн дагуу засварлаж тус бүр 5% буулган 2009.01.09-ний өдөр хүргүүлж ХЗДХ-ийн яамаар баталгаажуулсан бөгөөд хэвлэн олшруулах ажлыг зохион байгуулж байна.
• 2009.01.08-нд Норм, норматив боловсруулах сангийн удирдах зөвлөлийн хуралдааныг зохион байгуулж гарсан шийдвэрийг үндэслэн 2009 оны үйл ажиллагааны төлөвлөгөөг боловсруулсан
• “Авто зогсоол” барилгын норм ба дүрэм боловсруулах техникийн даалгавар боловсруулж байна.
• “Дуу чимээнээс хамгаалах” норм ба дүрэмийн төслийг орчуулах гүйцэтгэгч сонгон шалгаруулахаар урилга бэлдэж байна.

НИЙТИЙН АЖ АХУЙН ЧИГЛЭЛЭЭР:

• Нийтийн аж ахуйн байгууллагуудад 2008 онд мөрдөгдөж буй үйлчилгээний үнэ тарифын мэдээг Маягт ¹4-ийн дагуу гаргаж 2009.01.22-ны өдрийн а/54 тоотоор ЗТБХБЯ-нд хүргүүлсэн.
• Баянхонгор аймгийн Засаг даргад “Чандмань Баянхонгор” ХХК-ийн үйлчилгээний үнэ тарифыг нэмэгдүүлэхийг хүссэн албан бичиг хүргүүлсэн.
• 2009 оны Улсын төсвийн хөрөнгө оруулалтааар Орон нутгийн нийтийн аж ахуйн байгууллагуудад тусгай зориулалтын машин, механизм нийлүүлэх санал боловсруулж яаманд төвийн 2009.01.16-ний а/31 тоот албан бичгээр хүргүүлсэн.
• “Өмчлөгч, эзэмшигч, ашиглагчийн барилга, байгууламжийн ашиглалт, өргөтгөл, шинэчлэл, их засварын хувийн хэрэг хөтлөх журам”, “Орон сууцны барилгын техник ашиглалтын норм”-ын төслүүдэд нэмэлт тодотгол хийх ажлын хэсэг хуралдаж, засвар өөрчлөлт хийж байна.
• Төвийн веб сайтад гэнэтийн хүйтрэл, осол аваар гарсан үед ажиллах зөвлөмжийг байршуулсан.
• Томоохон хот, аймгийн төвийн ус хангамжийн эх үүсвэрээр улсын төсвийн хөрөнгө оруулалтаар 2010 оны төсөл болон 2012 он хүртэлх хугацааны төсөөллийн төсөл боловсруулж 2009.01.20-ны өдрийн а/45 тоотоор яаманд хүргүүлсэн.
• Ажиллагсдад хувьцаа эзэмшүүлэх зөвлөмжийн төслийг эцсийн байдлаар боловсруулалт хийн Монголын хөрөнгийн бирж, Санхүүгийн зохицуулах хороонд санал авахаар төвийн 2009.01.14-ний а/24, а/25 тоот албан бичгээр хүргүүлээд байна.
• Улсын төсвийн хөрөнгө оруулалтаар 2009 онд хэрэгжүүлэх төсөл, арга хэмжээний хүрээнд нийтийн аж ахуйн салбарын байгууллагуудын лабораторийн тоног төхөөрөмжийн нэгдсэн судалгаанд түшиглэн зарим аймгуудад нэн даруй нийлүүлэх шаардлагатай тоног төхөөрөмжийн саналыг боловсруулж 2009.01.16-ны өдрийн а/40 тоотоор хүргүүлсэн.
• Шинээр боловсруулах стандартын жагсаалтыг Стандарт хэмжил зүйн үндэсний төв рүү 2009.01.05-ны өдрийн а/04 тоотоор хүргүлсэн.
• ЗГ-ын үйл ажиллагааны хөтөлбөрт тусгагдсаны дагуу “Ус” хөтөлбөрийн төсөл боловсруулахад оролцон ажиллаж анхны төсөл боловсрогдоод байна.
• НАА-н салбарын Улсын төсвийн хөрөнгө оруулалтаар 2010 онд хэрэгжүүлэх төсөл, 2011-2012 оны төсөөлөл боловсруулж 2009.01.20-ны өдрийн а/47 тоотоор ЗТБХБСайдад хүргүүлэв.
• Өвөлжилт хүндрэлтэй байгаа аймгууд руу холбогдож, мэдээлэл авч ажилласан.

СУРГАЛТ, СУДАЛГАА, МЭДЭЭЛЛИЙН ЧИГЛЭЛЭЭР:

• Tус төвөөс 2009 онд зохион байгуулах сургалтын төлөвлөгөөний төсөл, агуулга, зөвлөх зэрэг горилогчдын сэдвийн жагсаалт, тестийн сан боловсруулах нэмэлт техникийн даалгаврыг боловсруулан ЗТБХБЯаманд 2009.01.08-ний өдрийн а/09 тоот албан бичгээр хүргүүлэв.
• 2009 оны сургалтын төлөвлөгөөний дагуу 01 сарын 26 болон 02 сарын 02-ноос эхлэх инженерийн мэргэшсэн зэрэг горилогчдод зориулсан сургалтын хөтөлбөр боловсрууллаа.
• Инженерийн мэргэшсэн зэрэг горилогчдод зориулан зохион байгуулах дээрх сургалтанд хамрагдах хүсэлтээ ирүүлсэн нийт 101 буюу үүнээс шаардлагын дагуу материалаа бүрдүүлсэн 24 мэргэжилтнүүдийг бүртгээд байна.
• Төсөвчний анхан шатны сургалтын төлөвлөгөө, хөтөлбөр, төсвийг боловсруулж, сургалтыг 01 сарын 15-наас зохион байгуулан нийт 45 хүн хамрагдан суралцаж байна. Суралцагсадыг сургалтын гарын авлага, холбогдох материалаар хангасан.
• Засгийн Газрын үйл ажиллагааны хөтөлбөрт тусгагдсан “100 000 айлын орон сууцны төсөл”-ийг хэрэгжүүлэх ажлын хүрээнд 2009-2012 онуудад шаардлагатай мэргэжилтэй ажилчин болон инженер техникийн ажилтны тоог мэргэжил бүрээр гарган ЗТБХБЯ, БСШУЯ-уудад хүргүүлсэн.
• ЗТБХБЯ-ны ТНбДаргын 2008 оны 12 сарын 22-ний өдрийн 63 тоот тушаалаар мэргэжлийн зэрэг олгосон, сунгасан 139 мэргэжилтнүүдийн дэлгэрэнгүй мэдээллийг мэдээллийн санд оруулсан.
• Мэдээлэл эмхэтгэлийн 2009 оны ¹01 дугаарт нийтлэх мэдээ, материалын эхийг боловсруулан хэвлэлтэнд өгөхөөр бэлтгэж байна.
• Тестийн сан боловсруулах үйл ажиллагаа болон сургалт, шалгаруулалттай холбоотой бараа, ажил, үйлчилгээ худалдан авах үйл ажиллагааны 2008 оны тайланг гаргасан.

Бусад ажлын хүрээнд:

• Тус төвийн 2009 оны бүтээгдэхүүн нийлүүлэлтийг хангах үйл ажиллагааны төлөвлөгөөг боловсруулсан.
• Хэлтэс нэгжүүд 2008 оныхоо албан баримт материалуудыг архивт шилжүүлж байна.
• Монгол Улсын “Гавъяат барилгачин” цол тэмдгээр шагнагдсан Ю.Жаргалд Төвийн хөдөлмөрийн дотоод журмын дагуу хүндэтгэл үзүүлсэн.
• Тус төвийн 2009 оны гадаад арга хэмжээний төлөвлөгөөг боловсруулж байна.
• Тус төвийн ажилтнуудын Улс төрийн намын харъяалалтай эсэх ТЗУГ-ын мэргэжилтэн О.Нямхүүд мэдээлсэн. /3 ажилтан улс төрийн намын харъяалалтай байсан бөгөөд бүгд хүсэлтийн дагуу түдгэлзсэн/
• Тус төвийн 2008 оны жилийн эцсийн санхүүгийн тайланг гарган аудитын байгууллагад шилжүүлээд байна.
• Төвийн хэмжээнд 2009.01.22-ны байдлаар гадны байгууллага, аж ахуйн нэгж, иргэдээс нийт 112 албан бичиг, 20 өргөдөл ирж 57 албан бичгийг байгууллага, аж ахуйн нэгжүүдэд явуулаад байна.
• 2005-2007 оны 3 төрлийн данс, бүртгэлийг Үндэсний архивын газрын ББНШК-ын хуралд хэлэлцүүлэн батлуулсан

ШИЙДВЭРҮҮЛЭХ ШААРДЛАГАТАЙ АСУУДЛУУД

1. Аймгийн Засаг даргын Тамгын газрын бүтцэд “Газрын харилцаа, барилга, хот байгуулалтын газар”-ыг байгуулахаар шийдвэрлүүлсэнтэй холбогдуулан тус газрын даргаар аймгийн ерөнхий архитекторыг томилуулах, бүтэц зохион байгуулалтын асуудлыг Засаг дарга нартай ярьж шийдвэрлэх (Хот байгуулалтын   тухай хуулийн дагуу Хот байгуулалт, барилга захиалагчийн албатай байх), дүрмийг боловсруулж батлах;
2. БХБ-ын Сайдын 2008.09.03-ны өдрийн 134 дүгээр тушаалын дагуу 2009 онд Монгол улсад зураг төслийн байгууллага үүсч хөгжсөний 80 жилийн ойг салбарын хэмжээнд тэмдэглэн өнгөрүүлэх ажлыг зохион байгуулах, комиссыг томилох, ажлыг төлөвлөгөөг батлан хэрэгжүүлэх;
3. Хийц бүтээцийн туршилт, сорилтын лабораторийн барилгын зураг төсвийн үнийг төсвийн тодотголд оруулж батлуулах;
4. 2009 онд зохион байгуулах сургалтын төлөвлөгөөг баталгаажуулах;
5. Хөтөл тосгон “Хөтөлийн цемент шохой” ТӨХК-ийн талаар авах арга хэмжээний Засгийн газрын тогтоолын төсөл, танилцуулгыг ЗТБХБЯ-нд энэ оны 1 дүгээр сарын 16-нд хүргүүлсэн. Яаралтай арга хэмжээ авах шаардлагатай байна.
6. Шинжлэх ухаан технологийн зөвлөлөөр өнгөрсөн онд хэлэлцэгдэж дэмжигдсэн бетоны төмөр бетон тоосгон хийцийг чийглэлээс хамгаалах Акватрон төрлийн шинэ материалуудыг хэрэглэх зөвшөөрлийн гэрчилгээн дээр гарын үсэг зурах хүн шийдэгдэхгүй байгаагаас гэрчилгээг нь одоо болтол олгож чадахгүй хүлээгдэж байна. Өмнө нь дэд сайд энэ асуудлыг хариуцдаг, ШУТЗ-ийн шийдвэрийг баталгаажуулж гэрчилгээн дээр гарын үсэг зурдаг байсан.
7. Монгол улсын хөдөлмөрийн баатар (1976 оны) Дорж гуайг сайд хүлээн авч уулзан орон сууцны асуудлыг шийдвэрлэх;