Орон сууц, байшин анх удаа худалдаж авахад мэдэхгvй зvйл олон байх болно. Энэ нь таны амьдралдаа худалдаж авах томоохон зvйлvvдийн нэг учраас шийдвэр гаргахаасаа өмнө дараах зөвлөгөөг уншаарай.

1.  Мэдээлэл хай. Ямар процессоор явагддагийг мэдэхийн тулд саяхан байшин, орон сууц худалдаж авсан хvмvvсээс асууж зөвлө. Мэргэжлийн ном сэтгvvлээс уншиж мэд.

2.  Урьдчилгаа төлбөрөө цуглуул. Байшингийнхаа vнээс аль болох ахиуг урьдчилгаанд төлөхийг бод. Урьдчилгаа төлбөр тань их байх тусам таны орон сууцны зээлийн нөхцөл танд ашигтай байх болно.

3.  Ямар vнэтэй байшин худалдаж авах боломжтойгоо мэдэх. Манай мэдээллийн төвийн тооцоологч машин таныг ямар vнэтэй орон сууц худалдаж авах боломжтойг таны орлогын мэдээллийг vндэслэн хэлж өгнө.

4.  Бусад зардлыг битгий март. Байшин, орон сууцны өөрийн vнээс гадна бусад төлбөр шимтгэлvvдийг (материал бvрдvvлэх зардал гэх мэт) тооцоолж vзэх хэрэгтэй.

5.  Орон сууцны зээлийн төрлөө сонго. Голомт Банкинд л гэхэд 2 төрлийн орон сууцны зээл байдаг бөгөөд өөрт хамгийн тохиромжтой зээлийн төрлөө сонго. Манай туршлагатай эдийн засагч нартай уулзаж зөвлөгөө ав.

6.  Байрныхаа орчин тойрныг судал. Та байрныхаа ойр хавийг судалж таны хvсэл, хэрэгцээнд тохирох эсэхийг шалга. Тэнд амьдардаг хvмvvстэй ярилцаж сэтгэгдлийг нь сонс.

7.  Yл хөдлөх хөрөнгийн агентлагаас мэргэжилтэн хөлсөл. Зарим тохиолдолд тэд танд хэрэгцээ шаардлагад тань тохирсон газар хаана байгааг хамгийн сайн мэддэг хvмvvс байдаг. Найз нөхөд, хамаатан садан, хамт ажилладаг хvмvvсээсээ сайн агентлаг, энэ талын мэргэжилтэн сураглаарай.

8.   Yл хөдлөх хөрөнгийн мэргэжилтнийг сонс. Тэдний ажил бол тухайн vл хөдлөх хөрөнгө буюу байр, орон сууц ямар өртөгтэй болохыг мэддэг байх явдал юм. Тиймээс сайн мэргэжилтэн бол таныг хамаагvй их vнэ төлж байр худалдаж авахаас сэргийлж чадна.

9.  Худалдаж авахаар сонирхож буй байраа шалгуул. Мэргэжлийн шинжээчээр байрaa шалгуул. Тухайн байрныхаа цахилгаан холболт, усны суваг, барилгын талаас нь мэргэжлийн хvнээр шинжvvл.

10.  Байраа худалдаж авахад бэлтгэ. Банкнаас зээл авч байраа худалдаж авахад тань бусад төлбөрvvд (зээлийн шимтгэл гэх мэт ) гарах магадлалтай тул тvvнд бэлтгэж, хангалттай мөнгө бэлэн байлга.