Барилга хот байгуулалтын яам, Барилга.мн барилгын зөвлөгөө мэдээллийн төв хамтран зохион байгуулсан ШИНЭ ОРОН СУУЦ -2007 үзэсгэлэн яармаг мэдээллийн технологийн үндэсний паркийн үзэсгэлэнгийн танхимд өчигдөр амжилттай болж хаалтын ажиллагаагаа хийлээ.

Иргэдийн сонирхолыг ихээхэн татаж буй төрөөс хүн амыг орон сууцаар хангах 40000 –н айлын орон сууц хөтөлбөрийн хүрээнд зохион байгуулагдсан тус үзэсгэлэн яармагт шинэ орон сууц угсарч буй барилгын компаниуд, орон сууцны урт хугацаатай зээл олгож буй хөрөнгө оруулагч банкууд, барилгын материал үйлдвэрлэгчид нийлсэн 20 гаруй аж ахуй нэгжүүд оролцсон.

Хүн амыг орон сууцжуулах хөтөлбөрт идэвх санаачлага гарган оролцож байгаа дараах байгууллагууд шилдэгээр тодорлоо. Шилдэг барилга угсралтын байгууллагаар “Батс-Өргөө” компани, шилдэг хөрөнгө оруулагч байгууллагаар Капитал банк, барилгын салбарт шинэ технологи нэвтрүүлэгч байгууллагаар “MKБ” компани тус тус шалгарсан юм.