Сvvлийн vед иргэдийг залилан мэхлэх явдал их гарах болсон. Орон сууцыг нь залилан авч, гудамжинд гаргах тохиолдол ч бий гэнэ. Мөн гадаадын иргэд их орж байгаатай холбоотой ГИХАЭА-ны дарга Д.Мөрөнгийн нэрийг барьж залилан хийх нь ихссэн байна.

 

Энд нэгэн хэргийг сийрvvлье. Ц.Зулцэнд И.Баярцэнгэл нар бvлэглэн бусдыг залилан мэхэлжээ. Тэд бvлэглэн хоёр жилийн өмнө иргэн Г.Норовын эзэмшлийн Баянзvрх дvvргийн 15 дугаар хороо 13 дугаар хорооллын зургадугаар байрны 72 тоот нэг өрөө байрыг зээлийн барьцаанд тавьж, мөнгө авчээ. Энэ байранд Г.Норовын хvv Г.Энхбат амьдардаг байж. Тэрээр И.Баярцэнгэл гэдэг бvсгvйтэй хамтран амьдардаг болжээ. Гэтэл И.Баярцэнгэл нь хvний байшинд зvгээр амь хорогдохыг хvсээгvй бололтой. Тэрээр Ц.Зулцэндтэй нийлж дээрх байрыг С.Эрдэнэ-баатарт 30 сая төгрөгийн зээлийн барьцаанд тавьсан аж. Энэ талаар байрны эзэн болох Г.Норов юу ч мэдээгvй явжээ. Улмаар зээлээ төлж чадахаа байсан Ц.Зулцэнд, И.Баярцэнгэл нар хуурамч бичиг баримт vйлдэн дээрх байрыг арилжсан байх юм. С.Эрдэнэбаатар өрөнд авсан байраа цааш 50 сая төгрөгөөр худалдчихсан аж. Байрны ордер нь хvний нэр дээр шилжсэний дараа эзэн Г.Норов мэджээ.

 

Тvvнчлэн Ц.Зулцэнд, И.Баярцэнгэл нар нь өөрсдийгөө ээж охин хоёр хэмээн бусдад танилцуулж залилан хийдэг байсан аж. Тэд БНХАУ-ын иргэн Тан Еан Юунаас долоон хятад иргэний паспортын визний хугацааг сунгаж өгнө хэмээн 2.8 сая төгрөгийг залилжээ. Vvгээр зогсохгvй иргэн С.Мижиддоржид ОХУ-ын иргэн Бvтусов Сергей Гениадивичийн гадаад паспортны визний хугацааг сунгаж өгнө хэмээн 800 мянган төгрөг залилсан байна. БНХАУ-ын иргэн Саруулын паспортны визний хугацааг сунгах нэрээр иргэн Ф.Ганчимэгээс 316 мянган төгрөг зэргээр тэдний бусдыг залилсан vйлдэл хөвөрнө.

 

Дээрх хоёр бvсгvй ГИХАЭА-ны дарга Д.Мөрөнгийн нэрийг барьж залилан хийж байсан нь нотлогджээ. Ц.Зулцэндийг өнгөрсөн онд хоригдсон ч одоогоор батлан даалтад гарсан байгаа гэнэ. Харин И.Баярцэнгэл хоригдож байна. Дээрх хэргийг Баянзvрх дvvргийн Цагдаагийн хэлтэс шалгаж, прокурорт шилжvvлсэн юм. Прокурор тэдэнд Эрvvгийн хуулийн 148.3-т зааснаар яллах дvгнэлт vйлдсэн байна. Уг хэргийн шvvх хурал Баянзvрх дvvргийн шvvх дээр өчигдөр болох байсан ч 16 хоногоор хойшиллоо.