Барилга МН

Саяхан Орхон аймгийн “Наран” цогцолбор сургуулийн биеийн тамирын заалны дээвэр шороон шуурганы улмаас хууран унасан юм. “А” хүрээний H1N1 вирусын халдвараас болж азаар сургуулийн хүүхдүүдийн амралт эхэлчихсэн байсан үе таарсан тул нүүрлэж болох аюул холуур тойрсон хэрэг.

 

 Үнэхээр хүчтэй шуурганаас болж дээвэр нурсан уу, тендерт шалгарсан компанийн “нүд хуурсан” засвараас болсон уу гэдгийг аймгийн Онцгой байдлын газар саяхан тогтоожээ. Уг шалгалтаар тендерт шалгарсан “Өнө сан” ХХК-ийн засвар чанаргүй хийсэн нь тогтоогдсон учир дахин засаж ашиглалтад оруулахыг тус компанид шаардаад байгаагаа аймгийн Захирагчийн албаны мэргэжилтэн хэлж байна. Уг барилгын дээвэр хэдхэн сарын өмнө мөн салхинд хуурч унахад засвар хийсэн компанийг буруугүй гэж тодорхойлж байсан юм.