НИТХ-ын Тэргүүлэгчдийн ээлжит хуралдаан болж, хэд хэдэн асуудлыг хэлэлцсэн юм. Хамгийн эхний асуудал нь нийслэлийн өмчит үйлдвэрийн газруудын үйл ажиллагааны цэвэр ашгаас 2009 оны нийслэлийн төсөвт төвлөрүулэх ногдол ашгийн хувь, хэмжээг тогтоох тухай байв. Нийслэлийн өмчийг эзэмшдэг 504 аж ахуйн нэгж, байгууллага байдгаас 60 нь НӨҮГ юм байна. Харин үүний 27 үйлдвэрийн газар энэ жил ашигтай ажиллажээ. НӨҮГ-уудын үйл ажиллагааны цэвэр ашгаас 61.1 сая төгрөгийг нийслэлийн төсөвт оруулах саналыг Өмчийн харилцааны газрын дарга Ч.Однасан танилцуулсан юм.

Нийт ашгийн 15 хувийг нийслэлийн төсөвт оруулдаг уламжлалтай аж. Харин НИТХ-ын Тэргүүлэгчид энэ хувийг ихэсгэх хэрэгтэй гэсэн саналыг оруулж байлаа. Мөн :”Ионсей”, Соёлын төв өргөө, Орон сууц, санхүүжилтийн корпораци зэрэг газар нийслэлд ногдол ашиг өгөхгүй гэж шийдвэрлэсэн нь Тэргүүлэгчдийн эсэргүүцэлтэй тулгарч байв. Нийслэлийн өмчийг эзэмшдэг хэрнээ ашгаасаа яагаад өгдөггүй гэсэн асуултыг тэргүүлэгч Ж.Ганбаатар тавьж байв. Нэлээд хэлэлцсэний эцэст НӨҮГ-аас авах ногдол ашгийн хувийг НИТХ-аар шийдвэрлэх нь зүйтэй гэж тэргүүлэгчид үзэв. Мөн НӨҮГ-уудын ТУЗ-д нийслэлийн Иргэдийн төлөөлөгчдийн хурлын төлөөлөгчид орж ажиллах асуудал дээр санал нэгдсэн юм. Үүний дараа нийтийн эзэмшлийн эд зүйлсийг дүүргийн өмчит бүртгэх асуудлыг хэлэлцэж, тогтоол гаргалаа. Орон сууц нийтийн аж ахуйн 17 компани мөнежментийн гэрээгээр ажилладаг байна.

Эдгээр компаниин эзэмшилд байдаг, орон сууцны хорооллуудын дундах зам, мод, гэрэлтүүлэг зэргийг дүүргийн өмчид бүртгүүлэхээр боллоо. Ингэхдээ тухайн газрыг өөр зориулалтаар ашиглахгүйгээс гадна арчлалт хамгаалалтын зардлыг төсөвтөө суулгахыг дүүргийн    Засагдарга нарт даалгасан юм.     Үүний дараа замын хөдөлгөөнд том оврын тээврийн хэрэгсэл  явуулах түр журмын талаар     хэлэлцлээ. Өнгөрсөн   хоёрдугаар   сараас   эхлэн   3.5     тонноос дээш жинтэй тээврийн хэрэгслийг  хотыи   төвөөр     явуулахгүй байх шийдвэрийг     гаргаж,   хэрэгжүүлсэн. Нийслэлд 3.5 тонноос дээш жинтэй 17 мянган тээврийн хэрэгсэл байдаг гэсэн тооцоо гарчээ. Харин энэ журам нь бизнес эрхлэгчдийг боогдуулж байна гэсэн саналыг Тэргүүлэгч Ж.Ганбаатар гаргасан юм. Харин Замын цагдаагийн газрын орлогч дарга Ч.Жаргалсайхан "Бид том оврын тээврийн хэрэгслийг явахыг бүрэн хориглоогүй. 22.00-07.00 цагийн хооронд тээвэрлэлт хийх боломжтой" гэсэн хариултыг өгч байв. Мөн 3.5 тонныг таван тонн болгох боломжтой юу гэсэн асуултад боломжтой гэсэн хариултыг өгсөн. Өөрөөр хэлбэл таван тоннын даацтай тээвриин хэрэгсэл зөвшөөрөл авсан тохиолдолд хөдөлгөөнд оролцох боломжтой гэсэн үг. Ачааны машины тусгай зөвшөөрлөөс улирал бүр 2500 төгрөг авдаг нь хууль бус үйл ажиллагаа гэж үзснийг НИТХ-ын Хуульзүйн хороогоор хэлэлцэн, зарим заалтыг нэмж өөрчлөн тус журмыг мөрдөх хэрэгтэй гэсэн шийдвэрийг гаргажээ. Мөн НИТХ-ын Тэргүүлэгчдийн хуралдаанаар тамхи худалдах тусгай зөвшөөрөл олгох, хяналт тавих журмын төсөл, НИТХ-ын шагналаар зарим байгууллага, хүнийг шагнах зэрэг асуудлыг хэлэлцсэн юм.