Улаанбаатар хотыг тойрсон зуслангийн газрыг иргэдэд өмчлүүлэх ажлыг зохион байгуулахаар тусгай ажлын хэсэг судалгааныхаа шатанд ажиллаж байгаа гэнэ. Зусланг6ийн газрыг иргэдэд өмчлүүлэхийн тулд эхлээд Нийслэлийн газар нутаг дээрх зуслангийн бүсийг нарийвчлан тодорхойлж байгаа бөгөөд мөн өмчлүүлэх ерөнхий төлөвлөгөөг нь хийж байгаа юм байна.

Өнөөдрийн байдлаар 0.7 га газраа өмчилсөн өрхүүдийн ихэнхи нь оршин суугаа газраа авсан байдаг ажээ. Энэ нь хашаа байшингаа барьсан газраа өмчилж авсан гэрийн хороололд амьдардаг иргэд гэсэн үг гэнэ. Дашрамд дурьдахад, Монгол Улсын хэмжээнд 154877 өрх газар өмчилж авсан байна. Энэ нь улсад бүртгэлтэй нийт өрхийн дөнгөж 27.75 хувь нь гэнэ. Хэрэв төлөвлөсөн ёсоор зуслангийн газар нутгийг бүсчилэх ажил энэ сарын 15-ны өдөр гэхэд дуусвал 20-ноос эхлэн зуслангийн газрыг иргэдэд хувьчилж эхэлнэ гэдгийг албаны эх сурвалж хэллээ.