Шведийн залуу дизайнер Жоэль Хессельгрен (Joel Hesselgren) хэрэглэж буй эзнийхээ хэрэгцээг даган хэмжээ нь өөрчлөгдөн томсдог нэгэн сонирхолтой унтлагын орны төслийг сэджээ. Жоэль энэхүү төслөөрөө Elle Interior корпорациас зохион байгуулсан 2007 оны Стокгольмын тавилгын үзэсгэлэнгийн шилдэгээр тодорсон аж.
Тулгуур болохоос гадна эвлэгхэн ширээ болчихдог уг орны хөлнөөс эхлээд гайхал төрүүлэх зүйл нилээдгүй.

Хажуу зураг дээр харуулсанчлан, тулгуур хөлний байрлал болоод хэрэглэж буй эзний хүслээс шалтгаалаад нэг матрастайгаар юмуу, эсвэл хоёр хүн унтаж болохоор хялбархан өөрчилж болно. Тиймээс энэ орыг хэрэглэж буй эзний буюу гэр бүлийнх нь “тоо толгойг” дагаад томсгож болохоор хийсэн байна.

Хессельгрен гэрийн тавилгын загвар зохион бүтээгчээр дагнан ажилладаг бөгөөд түүний бүтээсэн сонирхолтой загварын шийдлийг орноос гадна сандалуудын загвараас нь ч харж болох ажээ.