Барилга МН

Өнгөрөгч амралтын өдрүү­дэд Зам тээвэр, барилга хот байгуулалтын сайд Х.Бат­тулга Оросын холбооны улс манай улсын хамтран тавьж буй 108 км замын засварын ажилтай та­нилц­­лаа. Уг зам засварын ажил бараг дуусах шатандаа орсон байна. Биднийг очиход салхитай хүйтэн байсан ч төмөр замчид ажлаа ид хийж байлаа. Одоо тавигдаж буй 54 км замыг Оросын тал гүйцэтгэж байгаа учир ихэнх ажилчид нь оросууд байсан. Салбарын сайд болон Улаан­баатар төмөр замын хол­богдох ажилтнууд, орос мэргэ­жилт­нүүд санал солилцов.

Зам засварын ажилтай танил­цах явцдаа Зам тээвэр, барилга хот байгуулалтын сайд Х.Баттулга сэтгүүлчидтэй саналаа хуваалцсан юм.

 

-Бид зам засварын шинэч­лэлийн эхний ажлыг өнгөрсөн зургадугаар сарын 6-ны өдөр эхлэж байсан. Орос монгол мэргэжилтнүүдийн хүчээр энэ ажил ийнхүү хийгдэж дуусах шатандаа орлоо. Манай улс Орос улсаас 30 орчим сая ам.долларын хөнгөлөлттэй зээл аваад засварын ажлыг гүйцэтгэж бай­гаа. Зам засварын ажил маш амжилттай явж байна гэж дүгнэж байна. Хамгийн энгий­нээр тайл­барлахад төмөр замын залгаа­сууд байхгүй болсон нь галт тэргээр явахад түчигнэж дугардаг байсан чимээ энэ тавьж буй замд огт мэдрэгдэхгүй гэсэн үг. Мөн энэ залгаасгүй замаар урьд нь 70 км цагийн хурдтай явдаг байсан галт тэрэг одоо 120 км цаг хурдлах боломжтой. Энэ эрчээрээ бид цааш ажиллаад байвал 1000 гаруй км замыг богино хугацаанд засварлах боломж байна.

 

Энэ замыг засварлах явцад сул зардал бараг гаргаагүй гэсэн. Харин зарим нэг шаард­лагатай материалыг Оросын холбооны улсаас оруулж ирсэн байна. Тухайлбал, рейс төмөр, бетон дэрийг авсан гэнэ. Манай улс дэр мод дотооддоо үйлдвэр­лэдэг боловч хурдтай замд хүчин чадал нь дийлэхгүй учир ийнхүү хөрш орноос оруулж иржээ. Улаанбаатар төмөр зам нийгэм­лэгийн дэр модыг одоо урсгал засварт ашиглаж байгаа аж. Улаанбаатар хотын чулууны заводоос чулууг ний­лүүлсэн аж. Монгол Улсад зам төмрийн үйлдвэр байдаггүй учраас замын төмрийг орос улсаас авсан. Цааш­даа 108 км замаа улам уртасгаж чанар­жуулая гэвэл бетон дэрний үйлд­вэр­лэлээ сайжруулах шаард­лага­тай юм. Мөн рейс хэмээх төм­рийг манай улс дотооддоо үйлд­вэрлэх боломжтой талаар сал­барын сайд онцолсон.

 

Харин одоогийн зам засварт ашиглаж байгаа материалуудыг орос улсаас нийлүүлсэн байна. 108 км зам засварын ажлыг 54 км-ээр нь хоёр тал хуваан гүй­цэт­гэж байгаа. Зам засварын аж­лын 50 хувийг гэрээ ёсоор Орос улс одоогоор гүйцэт­гэж, дуусч байна. Гүйцэт­гэлийн явцад шаардагдаж байгаа техник технологиуд ши­нээр нэвтэрсэн гэхэд болно. Орос улс манайд уулзваргүй төмөр замыг нэвтрүүлж байгаа. Мөн 32 сая рублийг хөнгөлттэй нөхцөлөөр манай улсад зээлээр өгсөн. Одоогоор явагдаж байгаа төмөр замын засварын ажлыг 100 хувь Орос улсаас санхүү­жүүл­ж­ээ. Харин манай орон гэрээнд заасан нөхцөлийн дагуу Улаанбаатар төмөр зам нийгэм­лэгийн дүрмийн санг нэмэгдүү­лэх зорилгоор өөрсдийн хөрөнгө оруулалтыг хийх аж. Зам зас­ва­рын ажлын сүүлийн хэсгийг манай тал гүйцэтгэнэ. Ингэснээр ирэх сарын 2-ны өдөр зам зас­варын ажил дуусах ёстой гэнэ. Манай улс Оростой хамтран хийж байгаа шинэ төмөр замын ажлын хамгийн ахицтай нь зал­гаасгүй зам юм. Харин манай тал 25 метрийн зайтай залгаастай гэнэ.

 

Зам засварын ажлын та­лаар Улаанбаатар төмөр зам нийгэмлэгийн аж ахуйн хэлт­сийн орлогч дарга Д.Бат­баатараас зарим зүйлийг тодруулсан юм.

 

 

-Уулзваргүй зам тавигдаж буй гэдэг утгаараа энэ бол ма­найд яах аргагүй шинэ тех­нологи юм. Хөдөлгөөний хурдыг нэмэг­дүүлэх болон зорчигчдын ая тух аюулгүй байдал талаасаа ч ач холбогдолтой. Мөн уулз­вар­гүй зам тавигдсанаар нэг кило­метрт зарцуулах металлын зар­цуулалт харьцангуй багасна гэ­сэн үг юм. Бид урьд нь уулз­вар­гүй замд урсгал засвар, арчлалтыг хийж байгаагүй. Хүйт­ний улиралд зам төмөр агших, гэмтэх тохиолдол байдаг. Энэ тал дээр хүндрэл учирч болзошгүй учир бүх талаас нь хангахаар бэлтгэлээ базааж байгаа.

 

 

-Одоогоор 108 км зам зас­варын ажил явагдсаар зургаан км зам засах л үлдлээ.

 

 

-Монголын төмөр замчид ч жил бүр урсгал зас­вар хий­дэг шүү дээ. Жи­шээл­бэл тө­мөр за­мын модон дэ­рийг бетон дэрээр сольж байна. Төмөр замд байгаа модны хэ­рэг­цээг аль болох багасгахаар ажил­лаж бай­гаа. Энэ аж­лын дараагаас 138 км замыг зас­вар­лах бодол­той байна. Энэ нь Давааны зөрлөгөөс Амгалан өртөө хүртэлх 42 км, мөн Сайн­шан­даас урагш 93 км замыг зас­вар­лах тө­лөв­лөгөөтэй бай­на.

 

Нийгмийн толь