Барилга МН

2009 оны 10 дугаар                                                     Дугаар 321                                                      Улаанбаатар хот

Төрийн  албан  хаагчид болон

иргэдийг орон сууцаар хангах

арга хэмжээний тухай

Монгол Улсын Засгийн газраас ТОГТООХ нь:

1. Барилгын салбарт үүсээд байгаа санхүүгийн хүндрэлийг шийдвэрлэх, арилжааны банкуудын хөрвөх чадварыг нэмэгдүүлэх зорилгоор гадаад, дотоодын зах зээл дээр 180.0 (нэг зуун наян) тэрбум хүртэлх төгрөгийн Засгийн газрын бондыг үе шаттайгаар арилжаалах замаар төрийн албан хаагчид болон иргэдэд олгох орон сууцны урт хугацаат зээлийн эх үүсвэр бүрдүүлэхийг Сангийн сайд С.Баярцогтод даалгаж, Монголбанкны ерөнхийлөгч Л.Пүрэвдоржид зөвлөсүгэй.

2. Барьж дуусган улсын комисст хүлээлгэн өгсөн арилжааны банкны зээлийн барьцаанд байгаа орон сууцыг м2 талбайн үнийг  650.0 (зургаан зуун тавин) мянган төгрөгөөс хямд байх (нийслэлд) зарчим баримтлан "Орон сууцны санхүүжилтийн корпораци" ХХК-иар дамжуулан төрийн албан хаагчдад урт хугацаатай зээлээр олгохыг Сангийн сайд С.Баярцогт, Зам, тээвэр, барилга, хот байгуулалтын сайд Х.Баттулга, нийслэлийн Засаг дарга Г.Мөнхбаяр нарт даалгасугай.

3. Засгийн газрын бондын арилжаалан төвлөрүүлсэн хөрөнгийн үлдэгдлийг арилжааны банкуудаар дамжуулан зөвхөн орон сууцны урт хугацаат зээлийн зориулалтаар иргэдэд олгох үйл ажиллагааг зохион байгуулахыг Сангийн сайд С.Баярцогт, Зам, тээвэр, барилга, хот байгуулалтын сайд Х.Баттулга нарт тус тус даалгаж, Монголбанкны ерөнхийлөгч Л.Пүрэвдоржид зөвлөсүгэй.

4. Энэхүү тогтоолын хэрэгжилтийг улирал тутам Засгийн газарт танилцуулж байхыг Сангийн сайд С.Баярцогт, Зам, тээвэр, барилга, хот байгуулалтын сайд Х.Баттулга нарт даалгасугай.


Монгол Улсын Тэргүүн шадар сайд                                Н.АЛТАНХУЯГ

Зам, тээвэр, барилга, хот байгуулалтын сайд                       Х.БАТТУЛГА

Хянасан:
Монгол Улсын сайд, Засгийн газрын Хэрэг эрхлэх газрын дарга            Б.ДОЛГОР