Фэйсбүк/Facebook/ 300 гаруй сая бүртгэлтэй хэрэглэгч бүхий дэлхийн хамгийн том сөүшл нэтворк /хамтын сүлжээ/ вэбсайт билээ. Тус сайтыг Харвардын их  сургуулийн оюутан Марк Зукерберг /Mark Zuckerberg/ үүсгэн байгуулсан байна. Фэйсбүкийн төв оффис нь зураг төслийн Studio O+A студийн шууд удирдлагаар АНУ-ын Калифорни муж улсад баригджээ. Тус оффис нь экстерьер, интерьер дизайны гойд шийдлийг харуулаад зогсохгүй, салбар хэлтэс тус бүрийн өрөөнүүдийг тус тусын өнгөөр ялган будсан, ажилтнуудынхаа бичих болоод зурах үйлсэд нь шинэлэг санааг өдөөх үүднээс хагас ханануудыг хийж өгсөн гэх мэтчилэн бүтээлч мэдрэмж төрүүлэхүйц утга агуулгатайгаар хийж гүйцэтгэгдсэн байна.

Тус оффист 700 гаруй ажилтан байрлах боломжтой бөгөөд "харилцан үйлчлэл хийгээд холбоо"-той байх шийдлийг харуулж ийнхүү загварчлагдсан аж.